চৰম উৎকণ্ঠা আৰু ৰাজনৈতিক গৰম বতাহৰ মাজত অসম বিধানসভাৰ নিৰ্বাচনৰ মনোনয়ন দাখিলৰ অন্তিম দিনত গুৱাহাটীৰ ৫ টা গুৰুত্বপূৰ্ণ সমষ্টিত নিৰ্বাচনী যুঁজ এক নতুন ৰূপ লাভ কৰিছে। ২৬ গৰাকী প্ৰাৰ্থীৰ উপস্থিতিয়ে মহানগৰীখনক ৰণক্ষেত্ৰলৈ পৰিবৰ্তিত কৰিছে।
৩৭ নম্বৰ জালুকবাৰী সমষ্টিত মুখ্যমন্ত্রী হিমন্ত বিশ্ব শৰ্মাই বিজেপিৰ দুৰ্গ ৰক্ষা কৰিবলৈ পুনৰ প্ৰতিদ্বন্দ্বিতা ঘোষণা কৰিছে, য’ত কংগ্ৰেছৰ বিদ্বিশা নেওগ আৰু ভূমি অধিকাৰ পাৰ্টিৰ দীপিকা দাসে শক্তিশালী প্ৰতিযোগিতা আগবঢ়াইছে। ৩৬ নং গুৱাহাটী কেন্দ্ৰীয় সমষ্টিত বিজেপিৰ বিজয় কুমাৰ গুপ্তাৰ বিৰুদ্ধে অসম জাতীয় পৰিষদৰ কুংকী চৌধুৰী আৰু আপৰ অনুৰূপা ডেকাৰজাৰ মাজত তীব্ৰ প্ৰতিযোগিতাৰ সম্ভাৱনা আছে, যাৰ ফলত সমষ্টিটোৰ নিৰ্বাচনী সমীকৰণ জটিল হৈছে।
নতুন গুৱাহাটী (৩৫) সমষ্টিত বিজেপিৰ দিপ্লু ৰঞ্জন শৰ্মা আৰু কংগ্রেছৰ শান্তনু বৰাৰ মাজত সংঘাতৰ সম্ভাৱনা উত্থান হৈছে। ৩৩ নম্বৰ দিছপুৰ সমষ্টিত কংগ্ৰেছৰ মীৰা বৰঠাকুৰ গোস্বামী আৰু বিজেপিৰ প্ৰদ্যুত বৰদলৈৰ মাজত এক মৰ্যাদাপূৰ্ণ যুঁজৰ প্ৰস্তুতি চলি আছে। লগতে, ৩৪ নম্বৰ ডিমৰীয়া সমষ্টিত অগপৰ ডাঃ ভূপেন দাস আৰু কংগ্রেছৰ কিশোৰ কুমাৰ বৰুৱাৰ মাজত মূল প্ৰতিযোগিতা চলি থাকোতে, নিৰ্দলীয় প্ৰাৰ্থীৰ উপস্থিতিয়ে ভোট বিভাজনৰ চিন্তা বৃদ্ধি কৰিছে। ৯ এপ্ৰিলত ভোট কাক সোৱঁৰা হয়, সেয়া মহানগৰীৰ বাবে চৰ্চাৰ কেন্দ্ৰবিন্দু।
About the Author
