ৰাজ্যত পুনৰ ভয়াবহ হৈ পৰিছে কোৰোনাৰ সংক্ৰমণ। বিগত ২৪ ঘণ্টাত ৰাজ্যত পুনৰ ১৩০০ৰো অধিক লোক এই মহামাৰীত আক্ৰান্ত হোৱাৰ বিপৰীতে প্ৰাণ গৈছে ৬ জনৰ। আনহাতে মঙলবাৰে পুৱাই গুৱাহাটী ৰে’ল ষ্টেছনত ৰে’ল যাত্ৰাৰ বাবে অহা ৪ জনৰ দেহত ধৰা পৰে কোৰোনাৰ সংক্ৰমণ।
গুৱাহাটী ৰে’ল ষ্টেছনত নিয়মিত স্বাস্থ্য পৰীক্ষাত ৪ যাত্ৰীৰ দেহত কোভিড পজিটিভ ধৰা পৰাৰ পিছতে আটাইকেইজনক হাস্পতাললৈ প্ৰেৰণ কৰা হয়। উল্লেখ্য যে, বিগত কিছুদিনৰ পৰা নিতৌ ৰে’লৱে ষ্টেছনত কোভিড ৰোগী ধৰা পৰি আছে।
