দেশৰ হকে প্ৰাণ আহুতি দিয়া বীৰ শ্বহীদ সকলক সম্বৰ্ধনা জনোৱাৰ উদ্দেশ্যে কেন্দ্ৰই আৰম্ভ কৰিছে ‘মোৰ মাটি মোৰ দেশ’ অভিযান। দেওবাৰে ১০৩ সংখ্যক ‘মন কি বাত’ অনুষ্ঠানত দেশবাসীক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে। আজিৰ দিনটোত প্ৰধানমন্ত্ৰীয়ে এই প্ৰসংগত কোৱা শুনা গ’ল- “এই জ্ঞানপ্ৰাপ্ত ব্যক্তিসকলৰ স্মৃতিত লাখ লাখ গাঁও পঞ্চায়ততো বিশেষ শিলালিপি স্থাপন কৰা হ’ব।” প্ৰধানমন্ত্ৰীয়ে কয় যে ৯ আগষ্টৰ পৰা সমগ্ৰ দেশতে এই কাৰ্যসূচী আৰম্ভ কৰা হ’ব।
ইয়াৰ লগতে এই মাহেকীয়া ৰেডিঅ’ অনুষ্ঠানৰ এই খণ্ডত মোদীয়ে অমৃত কলহ যাত্ৰাৰ কথাও উল্লেখ কৰে। তেওঁ কয় যে দেশৰ বিভিন্ন প্ৰান্তৰ মাটি ৭৫০০ পাত্ৰত সংগ্ৰহ কৰা হ’ব। ইয়াৰ পিছত মাটি মিহলাই ৰোপণ কৰা হ’ব। যুদ্ধ স্মৃতিসৌধৰ সমীপত অমৃত ভাটিকা নিৰ্মাণৰ পৰিকল্পনাৰ বিষয়ে এইদৰে অৱগত কৰে মোদীয়ে। তেওঁ বাগিচাৰ প্ৰয়োজনীয়তাৰ কথা কয়। একেদৰে প্ৰধানমন্ত্ৰীয়ে মধ্যপ্ৰদেশ আৰু উত্তৰ প্ৰদেশত জল সংৰক্ষণৰ বাবে গ্ৰহণ কৰা পদক্ষেপক প্ৰশংসা কৰে।
আজিৰ দিনটোতে প্ৰধানমন্ত্ৰীৰ কথাত আহিল হজ যাত্ৰাৰ বিষয়। তেওঁ কয় যে এইবাৰ ৪ গৰাকী মুছলমান মহিলাই কোনো পুৰুষ সংগী নোহোৱাকৈ হজ্জৰ বাবে চৌদি আৰৱলৈ গৈছিল। মোডী চৰকাৰে তেওঁলোকক সকলো ধৰণৰ সহায় আগবঢ়াইছে। মন কৰিবলগীয়া যে মোদীয়ে প্ৰতি মাহৰ অন্তিম দেওবাৰে ‘মন কি বাত’ অনুষ্ঠান সম্বোধন কৰে। ২০১৪ চনত তেওঁ প্ৰধানমন্ত্ৰীৰ পদ গ্ৰহণ কৰাৰ পিছৰে পৰা এই অনুষ্ঠান চলি আহিছে।
