মণিপুৰৰ সশস্ত্ৰ বিদ্ৰোহী সংগঠন কুকি ৰিভলিউচনৰী আৰ্মীৰ ৩ কেডাৰক শুকুৰবাৰে আটক কৰিবলৈ সক্ষম হয় অসম ৰাইফলছে।
বিদ্ৰোহী সংগঠনটোৰ কেডাৰ কেইজনক ৰাজ্যখনৰ কাংপোকপি জিলাৰ কাংচুপত আটক কৰাৰ লগতে কেডাৰ কেইজনৰ পৰা তিনিটা ৯এমএম পিষ্টল, ২৫ জাই সজীৱ গুলী আৰু দুটা মোবাইল ফোন জব্দ কৰা হয়।
এক চৰকাৰী বিবৃত্তিত জানিবলৈ দিয়া মতে অসম ৰাইফলছৰ জ্বালামুখী বেটেলিয়নৰ চিঅ’বি কাংচুপে এই অভিযান চলায়। নিৰ্দিষ্ট গোপন তথ্যৰ ভিত্তিত দলটোৱে চিংদা-কাংচুপ পথত এটা অস্থায়ী চেকপোষ্ট স্থাপন কৰে।
ইফালে সন্দেহযুক্ত বিপ্লৱী কেডাৰ কেইজনে তিনিখন মটৰ চাইকেলেৰে অহাৰ সময়তে অসম ৰাইফলছে সশস্ত্ৰ কেডাৰ কেইজনক আটক কৰিবলৈ সক্ষম হয়।
