বৰঝাৰ বিমানবন্দৰত কভিডৰ ভয়াবহতা নেওচিও পৰিবহন বিভাগৰ যাত্ৰী সজাগতা অভিযান

দেশৰ আন ৰাজ্যৰ লগতে গুৱাহাটীৰ বৰঝাৰ বিমানবন্দৰত ২৫ মেৰ পৰা আৰম্ভ হোৱা ঘৰুৱা যাত্ৰীবাহী বিমান সেৱাৰ ইতিমধ্যে দুমাহ অতিক্ৰম কৰিলে । আনহাতে বহিঃ ৰাজ্যৰ পৰা অহা বিমান যাত্ৰী সকলোক স্বাস্থ্য পৰীক্ষা কৰা , কোৱাৰেনটিন কেন্দ্ৰলৈ নিয়া , গন্তব্য স্থানলৈ প্ৰেৰণ কৰাৰ বাবে ২৫ মে ৰ পৰা বিমান বন্দৰত ৰাজ্য চৰকাৰৰ স্বাস্থ্য , পৰিবহন , আৰক্ষী , কামৰূপ মহানগৰ জিলা প্ৰশাসন , আবকাৰী , কৰ , অসম ৰাজ্যিক পৰিবহন নিগম ( এ এছ টি চি ) আদি বিভাগে ২৫ মে ৰ পৰা বিমান বন্দৰত দিনে – নিশাই যাত্ৰীক সেৱা আগবঢ়াই আহিছে । ইয়াৰ মাজতে চিকিৎসকসহ কেইবাজনো স্বাস্থ্য কৰ্মী, এ এছ টি চি ৰ কেইবাজনো চালক , পৰিবহন বিভাগৰ আয়ুক্ত আদিল খান , সচিব পবিত্ৰ খlউণ্ড , উপ পৰিবহন আয়ুক্ত সত্যজিৎ তেৰাং , সহকাৰী প্ৰৱৰ্তক পৰিদৰ্শক মুকুট দাস কভিডত আক্ৰান্ত হৈছে । ইফালে বহিঃ ৰাজ্যৰ পৰা অহা যাত্ৰীসকল বিমানবন্দৰত নিজ গন্তব্য স্থানলৈ যোৱা বা স্বাস্থ্য পৰীক্ষাৰ ক্ষেত্ৰত কোনো ধৰণৰ অসুবিধাৰ সম্মুখীন নহয় তাৰবাবে এক সজাগতা অভিযান আৰম্ভ কৰিছে । বৰঝাৰ বিমানবন্দৰত পৰিবহন বিভাগৰ দায়িত্ববাঁহী তথা কামৰূপ জিলাৰ জিলা পৰিবহন বিষয়া গৌতম দাসে জানিবলৈ দিয়া মতে ৰাজ্যৰ পৰিবহন মন্ত্রী চন্দ্রমোহন পাটোৱাৰী , আয়ুক্ত – সচিব ডঃ কে কে দিবেদী , আয়ুক্ত আদিল খান , এ এছ টি চি ৰ পৰিচালন সঞ্চlলক আনন্দ প্ৰকাশ তিৱাৰীকে ধৰি বিভাগীয় ঊৰ্ধতম কৰ্তৃপক্ষৰ নিৰ্দেশত এক বিশেষ যাত্ৰীৰ সজাগতা অভিযান আৰম্ভ কৰা হৈছে ।সেই অনুসৰি বাহিৰৰ পৰা অহা যাত্ৰীসকলক স্বাস্থ্য আৰু কভিড সম্পৰ্কীয় গোহাঁৰি পত্র , হেল্পলাইন বিষয়ক গাইড লাইনৰ পুস্তিকা বিতৰণ কৰা হৈছে ।পৰিবহন বিভাগৰ যানবাহন পৰিদৰ্শক , প্ৰৱৰ্তক পৰিদৰ্শক , সহকাৰী প্ৰৱৰ্তক পৰিদৰ্শক , প্ৰৱৰ্তক চেকাৰ সকলে যাত্ৰীক স্বাস্থ্য বিষয়ক গোহাঁৰি আৰু গাইড লাইন সমূহ বিতৰণ কৰি আছে । ইফালে ইয়াৰ দ্বাৰা যাত্ৰীসকল উপকৃত হোৱাৰ লগতে পৰিবহন বিভাগক প্ৰশংসা কৰা পৰিলক্ষিত হৈছে ।