ষ্টাফ ৰিপোৰ্টাৰ, ২৭ এপ্ৰিল : টাটা ট্ৰাষ্টে ক’ভিড-১৯ৰ প্ৰতিৰোধৰ উদ্দেশ্যে গ্রামাঞ্চলত আৰম্ভ কৰিছে এক ৰাষ্ট্ৰজোৰা অভিযান। ‘৫ কদম কৰোনা মুক্ত জীৱন’ শীৰ্ষক এই অভিযান দেশৰ বিভিন্ন ভাষাত ভিডিঅ’ মেছেজ, সৰু এনিমেচন ভিডিঅ’, ইনফ’- গ্ৰাফিক্সকে ধৰি অডিঅ’ মেছেজ আৰু এছ এম এছ ভিত্তিক বাৰ্তাৰে প্ৰচাৰ চলোৱা হৈছে।৩১ মাৰ্চৰ পৰা আৰম্ভ হোৱা এই অভিযানে ইতিমধ্যে ২১ খন ৰাজ্যৰ ১২ নিযুত লোকৰ মাজত প্ৰচাৰ হৈছে। দেশজুৰি ৭০ গৰাকীতকৈ অধিক তাৰকাই ভিডিঅ’ আৰু অডিঅ’ মেছেজেৰে এই অভিযানৰ প্ৰতি সঁহাৰি জনাইছে। এই সকল তাৰকাৰ ভিতৰত আছে নানা পাটেকৰ, সোণালী কুলকাৰ্নি,হৰভজন সিং, ইলা অৰুণ ইত্যাদি। উল্লেখযোগ্য যে, টাটা ট্ৰাষ্টে গ্রামঞ্চলৰ ভিতৰুৱা অঞ্চলসমূহলৈও এই বার্তা প্ৰেৰণৰ বাবে ৮,৭০০ গৰাকী গ্ৰাম্য স্বেচ্ছাসেৱকক প্ৰশিক্ষণ প্ৰদানৰ বাবে ২১ খন ৰাজ্যত ৪৩০ গৰাকীতকৈও অধিক “মাষ্টাৰ প্ৰশিক্ষকক নিযুক্তি প্ৰদান কৰিছে।
