গুৱাহাটী:- জনপ্ৰিয় কন্ঠশিল্পী জুবিন গাৰ্গক নিশা আক্ৰমণৰ চেষ্টা। বুধবাৰে নিশা প্ৰায় ১২.৪০ বজাত কাহিলীপাৰাৰ ভগদত্তপুৰৰ এপাৰ্টমেণ্টলৈ গৈ থকা অৱস্থাতে গণেশগুৰিৰ গণেশ মন্দিৰৰ সমীপত ৬জনীয়া দুৰ্বৃত্তৰ দলে বাট ভেটি ধৰে জুবিনক। জুবিনক অশ্লীল গালি-গালাজ কৰাৰ লগতে আক্ৰমণৰো চেষ্টা চলায় দলটোৱে।ঘটনাৰ সময়ত জুবিনৰ সৈতে আছিল গাড়ী চালকজনৰ লগতে চৰকাৰে নিয়োগ কৰা দুজন পি এছ অ’।এই ঘটনাৰ পিছতে জুবিনে দিছপুৰ থানাত এখন এজাহাৰ দাখিল কৰে।
জানিব পৰা মতে, AS-01-BY-0675 নম্বৰৰ এখন বগা ৰঙৰ মাৰুতি চিয়াজ বাহনত আহিছিল দুৰ্বৃত্তৰ দলটো।ভাবুকি প্ৰদান কৰিবলৈ অহা যুৱককেইজনৰ হাতত আছিল বিয়েৰৰ বটল।
উল্লেখযোগ্য যে,যিখন গাড়ীয়ে জুবিনক মাজনিশা আগভেটি ধৰিছিল সেই গাড়ীখনৰ স্বাতাধিকাৰী গৰাকীৰ নাম হীৰক ৰাজবংশী।হীৰক ৰাজবংশী এন এছ ইউ ৱাই জিলা সভাপতি হিচাপে কৰ্মৰত।
ইতিমধ্যে জুবিনৰ এজাহাৰৰ ভিত্তিত দিছপুৰ আৰক্ষীয়েও খৰকটীয়াকৈ তদন্ত আৰম্ভ কৰিছে।
