উচ্চতম ন্যায়ালয়ে মঙলবাৰে কলকাতাৰ আৰজি কৰ চিকিৎসা মহাবিদ্যালয় আৰু চিকিৎসালয়ত এগৰাকী মহিলা চিকিৎসকক ধৰ্ষণ আৰু হত্যাৰ গোচৰৰ শুনানি কৰে। শেহতীয়াকৈ উচ্চতম ন্যায়ালয়ে এই ঘটনাৰ এটা নিজাববীয়াকৈ গোচৰ ৰুজু কৰে। যাৰ শুনানি কৰি উচ্চতম ন্যায়ালয়ে নিৰ্দেশ দিছে যে এতিয়াৰ পৰা চিআইএছএফ এই মহাবিদ্যালয় আৰু চিকিৎসালয়ৰ নিৰাপত্তাৰ বাবে দায়বদ্ধ হ’ব। যাতে চিকিৎসকসকলে তেওঁলোকৰ কাম পুনৰ আৰম্ভ কৰিব পাৰে। দৰাচলতে, ধৰ্ষণ-হত্যাৰ গোচৰটোৰ প্ৰতিবাদ কৰা চিকিৎসকসকলকো আক্ৰমণ কৰা হৈছিল। শ শ জনতা চিকিৎসালয়ত প্ৰৱেশ কৰিছিল আৰু সামগ্রী লণ্ড-ভণ্ড কৰিছিল। তেতিয়াৰ পৰা, চিকিৎসকসকলৰ সুৰক্ষা প্ৰশ্নৰ সন্মুখীন হৈছিল। ইয়াৰ লগতে, আদালতে গোচৰটোৰ এজাহাৰ পঞ্জীয়ন কৰাত পলম হোৱাৰ বাবে পশ্চিম বংগ চৰকাৰক ভৰ্ৎসনা কৰে। ন্যায়ালয়ে কয় যে কলকাতা আৰক্ষীৰ অজ্ঞাতে শ শ লোকে চিকিৎসালয়ত প্ৰৱেশ কৰিব নোৱাৰে।উচ্চতম ন্যায়ালয়ে চিবিআইক ধৰ্ষণ-হত্যাকাণ্ডৰ গোচৰৰ তদন্তৰ স্থিতি প্ৰতিবেদন দাখিল কৰিবলৈ আৰু পশ্চিম বংগ চৰকাৰক আৰজি কৰ চিকিৎসালয়ত জনতাৰ আক্ৰমণৰ তদন্তৰ স্থিতি প্ৰতিবেদন দাখিল কৰিবলৈ কয়। ইয়াৰ বাবে ২২ আগষ্ট নিৰ্ধাৰণ কৰিছে।
