মণিপুৰ আৰক্ষীয়ে অন্যান্য নিৰাপত্তা বাহিনীৰ সহযোগত ৰাজ্যখনৰ ১০খন জিলাৰ ৫১৬খন গাঁৱত অবৈধ আফু খেতি (Poppy cultivation) ধ্বংস কৰাৰ এক পৰিকল্পনা যুগুত কৰিছে।
অতিৰিক্ত আৰক্ষী সঞ্চালক প্ৰধান (আইন-শৃংখলা) লহাৰী দৰ্জী লাথুৱে কয় যে অবৈধ আফু খেতিৰ বিৰুদ্ধে চলোৱা এই যুঁজত আৰক্ষীয়ে সকলোৰে সহযোগিতা আশা কৰিছে। তেওঁ লগতে কয় যে এই খেতিয়ে “পৰিৱেশ ধ্বংস, জনস্বাস্থ্যৰ সংকটৰ লগতে অপৰাধ আৰু সংঘাতৰ বাবে পুঁজি যোগান ধৰে”।
তেওঁ সকীয়াই দি কয়, “মণিপুৰ আৰক্ষীয়ে নিৰাপত্তা বাহিনীৰ সহায়ত ৰাজ্যখনৰ ১০খন জিলাৰ ৫১৬খন গাঁৱত অবৈধ আফু খেতি ধ্বংস কৰাৰ পৰিকল্পনা চূড়ান্ত কৰিছে। এই কাৰ্যত জড়িত যিকোনো ব্যক্তিয়ে আইন অনুসৰি গুৰুতৰ পৰিণতিৰ সন্মুখীন হ’ব লাগিব।”
টাফু কুকি গাঁৱৰ দুজন কুকি যুৱকক শেহতীয়াকৈ হত্যা কৰা সন্দৰ্ভত লাথুৱে কয় যে এই গোচৰটো ৰাষ্ট্ৰীয় অনুসন্ধানকাৰী সংস্থা (NIA)লৈ হস্তান্তৰ কৰাৰ এক প্ৰস্তাৱ উন্নত পৰ্যায়ত আছে আৰু আৰক্ষীয়ে প্ৰয়োজনীয় নিৰ্দেশৰ বাবে অপেক্ষা কৰি আছে।
তেওঁ জনোৱা মতে, সাক্ষীসকলক পৰীক্ষা কৰাৰ লগতে কেইবাজনো লোকক সোধা-পোছা কৰাৰ পিছত আৰক্ষীয়ে এখন এজাহাৰ (FIR) পঞ্জীয়ন কৰিছে। জ্যেষ্ঠ বিষয়াসকলৰ তত্ত্বাৱধানত ৰাজ্যিক আৰক্ষী, চি আৰ পি এফ (CRPF), কোব্ৰা (CoBRA), বি এছ এফ (BSF), আছাম ৰাইফলছ আৰু সেনাৰ যৌথ দলে নিবিড় তালাচী অভিযান চলাইছে।
About the Author
