NEET পৰীক্ষাৰ প্ৰশ্নকাকত ফাদিল হোৱা বিষয়ক লৈ সমগ্ৰ দেশজুৰি সৃষ্টি হোৱা তীব্ৰ ছাত্ৰ আন্দোলনৰ পাছত কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে আজি নিজৰ পদৰ পৰা পদত্যাগ কৰে। দিল্লীৰ যন্তৰ-মন্তৰত ছাত্ৰ-ছাত্ৰীসকলে চলাই থকা প্ৰতিবাদৰ মূল দাবী আছিল শিক্ষামন্ত্ৰীৰ পদত্যাগ।
সামাজিক মাধ্যম ‘X’ ত এটা দীঘলীয়া বাৰ্তাৰ জৰিয়তে প্ৰধানে নিজৰ পদত্যাগৰ কথা ঘোষণা কৰে। তেওঁ উল্লেখ কৰে যে দেশৰ যুৱ প্ৰজন্মৰ ভৱিষ্যত সুৰক্ষিত কৰিবলৈ আৰু এই আন্দোলনৰ সুযোগ লৈ কোনো “ৰাষ্ট্ৰবিৰোধী শক্তিয়ে” যাতে পৰিস্থিতিৰ অপব্যৱহাৰ কৰিব নোৱাৰে, তাৰ বাবেই তেওঁ এই সিদ্ধান্ত লৈছে।
পদত্যাগ কৰাটো তেওঁৰ কোনো “ব্যক্তিগত সন্মানৰ বিষয় নহয়” বুলিও তেওঁ স্পষ্ট কৰি দিয়ে। চৰকাৰ আৰু প্ৰতিবাদকাৰীসকলৰ মাজত হ’বলগীয়া তৃতীয় পৰ্যায়ৰ আলোচনাৰ ঠিক আগে আগে এই ডাঙৰ ঘোষণাটো আহে।
About the Author
