এক শোকাৱহ ঘটনাত সোমবাৰে পুৱা পাকিস্তানৰ সিন্ধু অঞ্চলত দুখন এক্সপ্ৰেছ ৰে’লৰ সংঘৰ্ষৰ ফলত কমেও ৩০ জন লোকৰ মৃত্যু হৈছে। পাকিস্তানৰ এআৰৱাই নিউজৰ মতে, চিন্ধ প্ৰদেশৰ ঘোটকীৰ ৰেটি আৰু দাহাৰকি ৰেল ষ্টেচনৰ মাজত ছাৰ চায়দ এক্সপ্ৰেছ ৰে’লখন মিল্লাত এক্সপ্ৰেছৰ সৈতে সংঘৰ্ষ হয়।
প্ৰতিবেদনঅনুসৰি লাহোৰঅভিমুখে গৈ থকা ছাৰ চৈয়দ এক্সপ্ৰেছ ৰেলখন কৰাচীৰ পৰা চাৰগোধালৈ যোৱাৰ পথত লাইনচ্যুত হোৱা মিল্লাত এক্সপ্ৰেছৰ সৈতে সংঘৰ্ষ হয়। পাকিস্তানৰ ওপৰৰ সিন্ধু প্ৰদেশৰ ঘোটকী জিলাৰ ধাৰ্কি চহৰৰ ওচৰত যাত্ৰীবাহী ৰে’ল দুখনৰ সংঘৰ্ষ হয়।
পাকিস্তানৰ স্থানীয় সংবাদ মাধ্যমৰ বাতৰি অনুসৰি, ঘোটকীৰ উপায়ুক্ত উছমান আব্দুল্লাই জনাইছে যে ঘোটকী, ধাৰ্কি, ওবাৰো আৰু মিৰপুৰ মেথেলোৰ চিকিৎসালয়সমূহত জৰুৰীকালীন অৱস্থা ঘোষণা কৰা হৈছে৷ আহত যাত্ৰীসকলক চিকিৎসা সাহায্য প্ৰদান কৰাৰ বাবে চিকিৎসক আৰু চিকিৎসা কৰ্মীসকলক কৰ্তব্যৰত অৱস্থাত মাতি অনা হৈছে৷
