আই পি এল ২০২৬ত দেওবাৰে দুখন গুৰুত্বপূৰ্ণ মেচ অনুষ্ঠিত হয়।প্ৰথমখন খেলত ৰয়েল চেলেঞ্জাৰছ বেংগালুৰু (আৰ চি বি)ৱে পঞ্জাব কিংছ (পি বি কে এছ)ক ২৩ ৰানত পৰাস্ত কৰে। দ্বিতীয়খন খেলত দিল্লী কেপিটেলছ (ডি চি)য়ে ৰাজস্থান ৰয়েলছ (আৰ আৰ)ক ৫ উইকেটত পৰাস্ত কৰে। এই ছিজনৰ নৱমটো জয়ৰে প্লে অফত স্থান নিশ্চিত কৰিছে আৰ চি বিয়ে। এই ছিজনত প্লে অফত প্ৰৱেশ কৰা প্ৰথমটো দল হিচাপে পৰিগণিত হয় আৰ চি বি। এতিয়া ১৩খন খেলৰ পৰা ১৮ পইণ্ট লাভ কৰিছে। ১৩খন খেলৰ পৰা ১৬ পইণ্ট লাভ কৰি পইণ্ট তালিকাৰ দ্বিতীয় স্থানত আছে গুজৰাট টাইটানছ। ১২খন খেলত ১৪ পইণ্ট লাভ কৰি তৃতীয় স্থানত আছে ছানৰাইজাৰ্ছ হায়দৰাবাদ। অৱশ্যে একেৰাহে ষষ্ঠবাৰৰ বাবে পৰাজয়ে পিবিকেএছক প্লে অফলৈ যোৱাৰ পথ কঠিন কৰি তুলিছে।
১৩খন খেলৰ পৰা ১৩ পইণ্ট লাভ কৰিছে পঞ্জাব কিংছে। দিল্লী কেপিটেলছৰ বিৰুদ্ধে পৰাজয়ে ৰাজস্থান ৰয়েলছৰ সৌভাগ্যও কিছু বিচলিত কৰিছে। এতিয়া আৰ আৰৰ ১২খন মেচৰ পৰা ১২ পইণ্ট আছে আৰু বাকী দুয়োখন মেচতে ডাঙৰ জয় পঞ্জীয়ন কৰিব লাগিব, লগতে আন দলৰ ফলাফলৰ ওপৰতো নিৰ্ভৰ কৰিব লাগিব। চেন্নাই ছুপাৰ কিংছেও ১২ পইণ্টেৰে পইণ্ট তালিকাৰ ষষ্ঠ স্থানত আছে। ইফালে ১৩খন খেলৰ পৰা ১২ পইণ্ট লাভ কৰি সপ্তম স্থানত আছে দিল্লী কেপিটেলছ। ১২খন খেলৰ পৰা ১১ পইণ্ট লাভ কৰি প্লে অফৰ দৌৰত অব্যাহত আছে কলকাতা নাইট ৰাইডাৰ্ছ। পঞ্জাব কিংছৰ বিৰুদ্ধে প্ৰতিযোগিতাখনত আৰচিবিৰ আকৰ্ষণীয় প্ৰদৰ্শন অব্যাহত থাকে। প্ৰথমে বেটিং কৰি দলটোৱে ২০ অভাৰত ৪টা উইকেট হেৰুৱাই ২২২ ৰান সংগ্ৰহ কৰে।
আৰচিবিৰ হৈ উজ্জ্বল বেটিং কৰা ভেংকটেশ আয়াৰে মাত্ৰ ৪০টা বলত ৭৩ ৰান সংগ্ৰহ কৰাৰ বিপৰীতে দেৱদত্ত পাডিক্কালে ২৫টা বলত ৪৫ ৰান সংগ্ৰহ কৰাৰ বিপৰীতে বিৰাট কোহলীয়ে ৩৭টা বলত ৪টা চাৰি আৰু ৩টা ছয়ৰ সহায়ত ৫৮ ৰান সংগ্ৰহ কৰে। ২২৩ ৰানৰ লক্ষ্য অনুসৰণ কৰি পঞ্জাৱ কিংছে ২০ অভাৰত ৮টা উইকেট হেৰুৱাই মাত্ৰ ১৯৯ ৰানহে অৰ্জন কৰে। পিবিকেএছৰ হৈ শশাংক সিঙে ৫৬ ৰান সংগ্ৰহ কৰাৰ বিপৰীতে কুপাৰ কনলি আৰু মাৰ্কাছ ষ্টয়নিছে ৩৭ ৰান সংগ্ৰহ কৰে।আৰচিবিৰ হৈ ৰশিখ চালামে ৩৬ ৰানত ৩ উইকেট দখল কৰাৰ বিপৰীতে ভুৱনেশ্বৰ কুমাৰে ২টা উইকেট দখল কৰে।
About the Author
