ষ্টাফৰিপৰ্টাৰ, ১৬ এপ্ৰিল: ভাৰতবৰ্ষৰ আগশাৰীৰ ডিজিটেল পেইমেণ্টছ এপ Phonepe য়ে বিগত সপ্তাহত তেওঁলোকৰ 100CrorePledge অভিযানক সকলোৱে আদৰি লোৱাৰ পাছত, #i4India নামেৰে ৰাষ্ট্ৰজুৰি এটা অভিযান আৰম্ভ কৰাৰ কথা ঘোষণা কৰিছে। #i4India অভিযানত ল’কডাউনৰ সময়ত আমাৰ সুৰক্ষা আৰু নিৰাপত্তাৰ বাবে অহৰহ কৰ্তব্য পালন কৰি থকা চৰকাৰী সংস্থা সমূহ, চিকিৎসকসকল, স্বাস্থ্য কৰ্মী সকলৰ প্ৰয়াসক যাতে প্ৰতিজন ভাৰতীয়ই সমৰ্থন কৰে তাৰ বাবে আহ্বান জনোৱা হৈছে।#i4India অভিযানত যোগদান কৰিবৰ বাবে phonepe য়ে অন্ততঃ ১০ কোটি ভাৰতীয়ক PMCARES ফাণ্ডলৈ বৰঙণি আগবঢ়াবলৈ আহ্বান কৰিছে। এপ্ৰিল ৩০,(২০২০) ৰ ভিতৰত Phonepe ৰ মাধ্যমেৰে UPI ব্যৱহাৰ কৰি PMCARES ফাণ্ডলৈ দান কৰা সকলো ভাৰতীয়ৰ হৈ Phonepe ৰ ফালৰ পৰা প্ৰতিটো দানৰ লগত ১০ টকাকৈ যোগ দিয়া হ’ব। ইতিমধ্যে ১০ লাখৰো অধিক ভাৰতীয়ই PhonePe এপৰ মাধ্যমেৰে PMCARES ফাণ্ডলৈ দান কৰিছে। এই সন্দৰ্ভত PhonePe ৰ প্ৰতিষ্ঠাপক আৰু মুখ্য কাৰ্য্য নিৰ্বাহক সমীৰ নিগমে কয়”-পাঁচ দিনত কৈ কম সময়ত আমাৰ এপৰ মাধ্যমেৰে ১০ লাখৰো অধিক লোকে PMCARES ফাণ্ডত দান কৰিছে। আমি প্ৰতিজন ভাৰতীয়ক একত্ৰিত ভাৱে সহযোগ কৰি উদৰতাৰে নিজৰ সাধ্য অনুসৰি অনুদান আগবঢ়াবালৈ আহ্বান জনাইছোঁ”।
