বুধবাৰে ভাৰতৰ চিলিকন ভেলী বেংগালুৰুত জি-২০ বিত্ত আৰু কেন্দ্ৰীয় বেংকৰ উপ-প্ৰধান (এফচিবিডি)ৰ প্ৰথম খন বৈঠক সমাপ্ত হয়। বৈঠকত ভাৰতে বিশ্ব অৰ্থনীতিৰ সন্মুখীন হোৱা প্ৰত্যাহ্বানসমূহৰ মোকাবিলা কৰাৰ বাবে ইয়াৰ অগ্ৰাধিকাৰ সমূহ উপস্থাপন কৰে, যিয়ে সদস্য দেশসমূহৰ পৰা সম্পূৰ্ণ সমৰ্থন লাভ কৰে।
ভাৰতৰ জি-২০ অধ্যক্ষতাত বিত্তীয় ট্ৰেক কাৰ্যসূচীৰ ওপৰত গুৰুত্ব দিয়া দুদিনীয়া বৈঠকখন বিত্ত মন্ত্ৰালয় আৰু ভাৰতীয় ৰিজাৰ্ভ বেংকৰ দ্বাৰা যুটীয়াভাৱে আয়োজন কৰা হয়। বৈঠকৰ দ্বিতীয় দিনা বুধবাৰে তিনিটা অধিৱেশন অনুষ্ঠিত হয়, য’ত মুখ্যতঃ তিনিটা কাৰ্যসূচীৰ বিষয়ে আলোচনা কৰা হয়। বৈঠকত তিনিটা গুৰুত্বপূৰ্ণ কাৰ্যসূচীৰ ওপৰত ফলপ্ৰসূ আলোচনা অনুষ্ঠিত হয়, যেনে আন্তৰ্জাতিক কৰ, গোলকীয় স্বাস্থ্য আৰু বিত্তীয় খণ্ড আৰু বিত্তীয় অন্তৰ্ভুক্তি। একবিংশ শতিকাৰ অংশীদাৰী গোলকীয় প্ৰত্যাহ্বানৰ মোকাবিলা কৰিবলৈ বহুপাক্ষিক উন্নয়ন বেংকসমূহক শক্তিশালী কৰা (এমডিবি) সন্দৰ্ভত এক পাৰ্শ্ব-অনুষ্ঠানৰ সৈতে দিনটো আৰম্ভ হৈছিল।
কেন্দ্ৰীয় বেংকসমূহৰ জি-২০ বিত্ত আৰু উপ-প্ৰধানসকলৰ বৈঠকত বিত্ত মন্ত্ৰালয়ৰ অৰ্থনৈতিক পৰিক্ৰমা বিভাগৰ সচিব অজয় শেঠ আৰু ভাৰতীয় ৰিজাৰ্ভ বেংকৰ উপ গভৰ্ণৰ ড০ মাইকেল ডি পাত্ৰৰ সহ-সভাপতিত্ব কৰে। উপসংহাৰত বিত্ত মন্ত্ৰালয়ৰ অৰ্থনৈতিক পৰিক্ৰমা বিভাগৰ সচিব অজয় শেঠ। এই সংবাদমেলত অজয় শেঠে কয়– “বৈঠকত সকলো সদস্য দেশে বিশ্ব স্তৰত মুদ্ৰাস্ফীতি, খাদ্য আৰু ইন্ধন সংকট সম্পৰ্কীয় সমস্যাসমূহৰ সমন্বয় আৰু মোকাবিলা কৰিব বুলিও সিদ্ধান্ত লোৱা হৈছে।”
