ভাৰত ভ্ৰমণলৈ অহা আবু ধাবিৰ ক্ৰাউন প্ৰিন্স শ্বেখ খালেদ বিন মহম্মদ বিন জায়েদ আল নাহিয়ানে সোমবাৰে প্ৰধানমন্ত্ৰী নৰেন্দ্ৰ মোদীক সাক্ষাৎ কৰে৷ এই সময়ছোৱাত দুয়োগৰাকী নেতাই পাৰমাণৱিক শক্তি, তেল আৰু ফুড পাৰ্কক লৈ চুক্তি স্বাক্ষৰ কৰে।এইটো প্ৰথমবাৰৰ বাবে ভাৰতে আনুষ্ঠানিকভাৱে ইউএইৰ শাসনাধিষ্ঠিত গৃহৰ এটা নতুন প্ৰজন্মৰ সৈতে সম্পৰ্ক স্থাপন কৰিছে।
ক্ৰাউন প্ৰিন্সে আজি মুম্বাই ভ্ৰমণ কৰে। য’ত তেওঁ দুয়োখন দেশৰ ব্যৱসায়িক নেতাসকলৰ বৈঠকত যোগদান কৰে। গুজৰাট চৰকাৰ আৰু আবু ধাবিৰ কোম্পানীৰ মাজত এখন চুক্তি স্বাক্ষৰিত হয়। ইয়াৰ অধীনত ভাৰতত বহুতো ফুড পাৰ্ক নিৰ্মাণ কৰা হ’ব।
একে সময়তে, বাৰাকাহত ইউ.এ.ই.-ৰ পাৰমাণৱিক শক্তি প্ৰকল্পৰ পৰিচালনা আৰু তত্বাৱধান সন্দৰ্ভত ভাৰতৰ সৈতে এক চুক্তিও স্বাক্ষৰিত হয়। ভাৰতে শক্তি খণ্ডত দুয়োখন দেশৰ মাজত সহযোগিতা বৃদ্ধিৰ বাবে এক চুক্তি স্বাক্ষৰ কৰিছে। ইয়াৰ অধীনত, আবু ধাবিয়ে দীৰ্ঘদিন ধৰি ভাৰতক এলএনজি যোগান ধৰিব।
