অসমত ক্ৰমান্বয়ে ডিজিটেল বিনিয়োগ বৃদ্ধি পাইছে, ২০২৬ চনৰ জুন মাহলৈকে এনএছইত ৰাজ্যখনৰ সক্ৰিয় বিনিয়োগকাৰী ভিত্তিৰ ২০ শতাংশতকৈও অধিক অংশ কেৱল গ্ৰ’ প্লেটফৰ্মৰ বুলি এই বিনিয়োগ প্লেটফৰ্মটোৱে প্ৰকাশ কৰিছে। ইয়াৰ অৰ্থ হৈছে অসমৰ প্ৰতি ৫জন সক্ৰিয় বিনিয়োগকাৰীৰ ভিতৰত প্ৰায় এজনে গ্ৰ’-ৰ জৰিয়তে বিনিয়োগ কৰে। সমগ্ৰ উত্তৰ-পূৰ্বাঞ্চলত ক্ৰমবৰ্ধমান ডিজিটেল সংযোগ, স্মাৰ্টফোনৰ ব্যৱহাৰ আৰু বিত্তীয় সজাগতা বৃদ্ধি পোৱাৰ সময়তে এই অগ্ৰগতি দেখিবলৈ পোৱা গৈছে।
উত্তৰ-পূৰ্বাঞ্চলৰ ৮খন ৰাজ্যৰ ৩৬.৩১ লাখ এনএছই বিনিয়োগকাৰী ভিত্তিৰ ভিতৰত গ্ৰ’ ব্যৱহাৰকাৰীৰ সংখ্যা প্ৰায় ২৪ শতাংশ। ইয়াৰ ভিতৰত ছিকিমে সৰ্বাধিক ৪১ শতাংশ অংশ দখল কৰাৰ বিপৰীতে অৰুণাচল প্ৰদেশে ৪০ শতাংশ আৰু ত্ৰিপুৰাই ৩৭ শতাংশ স্থান লাভ কৰিছে।
অসমত গ্ৰ’ বিনিয়োগকাৰীসকলৰ প্ৰায় ২৫ শতাংশৰ বয়স ২৫ বছৰৰ তলৰ, আনহাতে প্ৰায় ৩০ শতাংশৰ বয়স ২৫ ৰ পৰা ৩০ বছৰৰ ভিতৰত ব্যক্তি। ৩০ বছৰৰ ওপৰৰ বিনিয়োগকাৰীৰ সংখ্যা ৪৫ শতাংশ। ৰাজ্যখনত গ্ৰ’-ৰ বিনিয়োগকাৰী ভিত্তিৰ প্ৰায় ২০ শতাংশই হৈছে মহিলা।
গুৱাহাটী মহানগৰীত এই পৰিসংখ্যাই যুৱ বিনিয়োগকাৰীসকলৰ মাজত ডিজিটেল বিনিয়োগ প্লেটফৰ্মৰ ক্ৰমবৰ্ধমান গ্ৰহণযোগ্যতা আৰু ষ্টক, মিউচুৱেল ফাণ্ড আৰু অন্যান্য বিত্তীয় সামগ্ৰীসমূহ এপ-ভিত্তিকভাৱে ব্যৱহাৰ কৰাৰ দিশলৈ এক ব্যাপক পৰিৱৰ্তন সূচাইছে। গ্ৰ’-এ মিউচুৱেল ফাণ্ড, ষ্টক, আইপিঅ’, ট্ৰেডিং, কমডিটি, এমটিএফ, বণ্ড আৰু সম্পদ ব্যৱস্থাপনাৰ দৰে সেৱা আগবঢ়ায়। সক্ৰিয় বজাৰ অংশগ্ৰহণকাৰীসকলৰ বাবে ই অপচন চেইন, চাৰ্ট আৰু টাৰ্মিনেল-ভিত্তিক ট্ৰেডিঙৰ দৰে উন্নত ট্ৰেডিং সঁজুলিসমূহৰ সম্প্ৰসাৰণ কৰিছে।
About the Author
