ভাৰতৰ আহমেদাবাদ চহৰক ২০৩০ চনৰ ঐতিহাসিক ‘কমনৱেলথ গেমছ’ৰ আয়োজক চহৰ হিচাপে মনোনীত কৰা হৈছে। এই প্ৰতিযোগিতাখন বিশেষভাৱে গুৰুত্বপূৰ্ণ, কাৰণ ২০৩০ চনত কমনৱেলথ গেমছৰ ১০০ বছৰ সম্পূৰ্ণ হ’ব।গ্লাছগোত অনুষ্ঠিত ২০২৬ চনৰ কমনৱেলথ গেমছৰ সামৰণি অনুষ্ঠানত আহমেদাবাদকলৈ আনুষ্ঠানিকভাৱে গেমছৰ পতাকা আৰু ‘হ’ষ্ট বেটন’ হস্তান্তৰ কৰা হ’ব। সামৰণি অনুষ্ঠানত সংগীতশিল্পী শংকৰ মহাদেৱন আৰু অভিনেত্ৰী ৰশ্মিকা মন্দানাৰ নেতৃত্বত ভাৰতীয় সংস্কৃতি উপস্থাপন কৰা হয়।
কাৰ্যসূচীটোত ‘বন্দে মাতৰম’ৰ ১৫০ সংখ্যক বৰ্ষপূৰ্তিৰ প্ৰতি শ্ৰদ্ধাঞ্জলি জ্ঞাপন কৰা হ’ব। ইয়াৰ উপৰিও ছেতাৰ বাদক ঋষভ ৰিখিৰাম শৰ্মা আৰু স্কটিছ পাইপাৰ ৰছ এনছলীৰ মাজত এক বিশেষ ‘জুগলবন্দী’ পৰিৱেশন কৰা হ’ব। অনুষ্ঠানটোৰ অন্তিম খণ্ডত গুজৰাটৰ ঐতিহ্যক প্ৰাধান্য দি সমগ্ৰ ভাৰতীয় সংস্কৃতিকো তুলি ধৰা হ’ব। গুজৰাটৰ উপ-মুখ্যমন্ত্ৰী হৰ্ষ সংঘৱীয়ে এই কথা নিশ্চিত কৰিছে।
আন্তঃৰাষ্ট্ৰীয় খেলুৱৈ আৰু বিষয়াৰ বাবে গুজৰাটৰ ক্ৰীড়া আন্তঃগাঁথনি প্ৰদৰ্শন কৰিবলৈ এক ‘আহমেদাবাদ এক্সপিৰিয়েন্স চেণ্টাৰ’ও মুকলি কৰা হৈছে।এই পদক্ষেপে বিশ্ব ক্ৰীড়া জগতত ভাৰতৰ স্থিতি মজবুত কৰাৰ লগতে ২০৩৬ চনৰ ‘অলিম্পিক ক্ৰীড়া’ আয়োজনৰ বাবে ভাৰতে কৰা দাবীক অধিক শক্তিশালী কৰি তুলিব।
About the Author
