গুৱাহাটীঃ দেৱালী উদযাপনৰ ঠিক আগে আগে মহানগৰীৰ বিভিন্ন স্থানত অভিযান চলাই আৰক্ষীয়ে কেইবাটাও জুৱাৰ ঘাটি উৎখাত কৰিবলৈ সক্ষম হয়। দেওবাৰে আৰক্ষীয়ে গড়চুক আৰু বশিষ্ঠৰ কেইবাটাও অঞ্চলত অভিযান চলাই কেইবাজনো জুৱাৰীকো আটক কৰে।
উল্লেখ্য যে, মহানগৰীত তীৰ আৰু জুৱা খেলত প্ৰতিদিনে লাখ লাখ টকা ব্যৱহাৰ হৈ আহিছে। শেহতীয়াকৈ আৰক্ষীয়ে জুৱা আৰু তীৰ খেলত ব্যৱহৃত সামগ্ৰীও জব্দ কৰিছে। আৰক্ষী সূত্ৰই সদৰী কৰা মতে, মহানগৰীৰ কেইবাখনো হোটেলৰ ভিতৰত এনে জুৱা চলে।
