ভ্ৰাম্যমান জগতৰ জনপ্ৰিয় কৌতুক অভিনেতা হৰেন মালাকৰে শনিবাৰে নিশা হাজোৰ মালিটোলৰ নিজা বাসগৃহত শেষ নিশ্বাস ত্যাগ কৰে। নিজৰ অভিনয় দক্ষতাৰে দৰ্শকৰ মনত স্থান লাভ কৰা প্ৰবীণ কৌতুক অভিনেতা গৰাকীৰ বিয়োগত গভীৰ শোকৰ ছাঁ পৰিছে সাংস্কৃতিক মহলত।
উল্লেখ্য যে, চলিত বৰ্ষৰ ১২ জুনত অভিনেতাগৰাকীক প্ৰদান কৰা হৈছিল অচ্যুত লহকৰ স্মাৰক বঁটা। ২০০ৰো অধিক নাটকত অভিনয় কৰা হৰেন মালাকৰৰ মৃত্যুৰ সময়ত বয়স হৈছিল ৭৩ বছৰ।
