পূব কাৰ্বি আংলংৰ অসম-নাগালেণ্ড সীমান্তৱৰ্তী দিল্লাইত চোৰাংকৈ সৰবৰাহৰ চেষ্টা চলোৱা দুটা হাতী দাঁত সহ দুজন সৰবৰাহকাৰীক আটক কৰিবলৈ সক্ষম হয় আৰক্ষীয়ে।
এক গোপন খবৰৰ ভিত্তিত আৰক্ষীয়ে অভিযান চলাই দিল্লাইৰ ৩৬নং ৰাষ্ট্ৰীয় ঘাইপথৰ পৰা হাতী দাঁত দুটা জব্দ কৰিবলৈ সক্ষম হয়। ঘটনা সন্দৰ্ভত আৰক্ষীয়ে দুজন লোকক আটক কৰাৰ লগতে এই সৰবৰাহত ব্যৱহৃত এক বলেৰ’ পিক-আপ বাহনো জব্দ কৰে। আৰক্ষীয়ে জব্দ কৰা হাতী দাঁত দুটাৰ ওজন প্ৰায় ১০ কিল’গ্ৰাম বুলি জানিব পৰা গৈছে।
