ৰিদিপ বৰঠাকুৰ, টীয়ক: টীয়কৰ ঐতিহাসিক ঢেকীয়াখোৱা বৰনামঘৰ আৰু মহিমা মণ্ডিত মইনা পৰীয়া নামঘৰতো সমগ্ৰ ৰাজ্যৰ লগতে আজি জগত গুৰু শ্ৰীমন্ত শংকৰদেৱৰ তিৰোভাৱ তিথি কভিড পৰ্টকল মানি অনুষ্টুপিয়াকৈ পালন কৰা হয় ।ঐতিহাসিক ঢেকীয়াখোৱা বৰ নামঘৰতো পুৱাৰে পৰা ভক্তৰ সমাগম ঘটিছে।
দূৰ দূৰণিৰ পৰা অহা ভক্ত বৈষ্ণৱ সকলে চাকি,শৰাই, নৈবৈদ্য আগবঢ়াই নেদেখা জনৰ ওচৰত আৰ্শীবাদ কামনা কৰিছে।অন্যহাতে নৃসিং প্ৰভু খ্যাত মহিমা মণ্ডিত মইনা পৰীয়া নামঘৰতো সমাগম ঘটিছে। তিনি প্ৰসংগীয়া নাম প্ৰসংগত ভক্ত সকলে চাকি শৰাই ,ধূপ আগবঢ়াই নৃসিং প্ৰভু আশীৰ্বাদ কামনা কৰিছে।
কভিড পৰিস্থিতিৰ বাবে নামঘৰ সমূহত মাক্স , চেনিটাইজাৰ আৰু সামাজিক ব্যৱধান ৰখাটো বাধ্যতামূলক কৰিছে নামঘৰ পৰিচালনা সমিতিয়ে ।
