চাপৰমুখ আৰক্ষীয়ে শনিবাৰে চাপৰমুখত অভিযান চলাই দুজন ড্ৰাগছ বেপাৰীক আটক কৰাৰ লগতে দুয়োৰে পৰা নিষিদ্ধ ড্ৰাগছ উদ্ধাৰ কৰিবলৈ সক্ষম হয়।
আৰক্ষীয়ে জনোৱা মতে, চাপৰমুখ ৰেলৱে ষ্টেচনৰ সমীপৱৰ্তী অঞ্চলটোৰ ভিতৰত পথেৰে নিচাযুক্ত দ্ৰব্য সৰবৰাহৰ সন্দৰ্ভত নিৰ্দিষ্ট তথ্যৰ ভিত্তিত আৰক্ষীয়ে অভিযান চলায়।
অভিযানকালত ৫টা চাবোনৰ বাকচত লুকুৱাই অনা ৪২৯ গ্ৰাম হেৰ’ইন জব্দ কৰাৰ লগতে এগৰাকী মহিলাসহ দুজন ড্ৰাগছ সৰবৰাহকাৰীক আটক কৰে।
ধৃত ড্ৰাগছ বেপাৰীকেইজনক নগাঁৱৰ ধিং মৰাঝাৰ অঞ্চলৰ বাসিন্দা হাজাৰা খাতুন আৰু আবু আছাৰ বুলি চিনাক্ত কৰা হৈছে।
