ষ্টাফৰিপৰ্টাৰ, গুৱাহাটী প্ৰেছ ক্লাৱৰ নতুন সদস্য ভৰ্তি আৰু নৱীকৰণৰ বাবে পুনৰ বিশেষ দিন ঘোষণা কৰা হৈছে। পূৰ্বে এই বিশেষ দিন ঘোষনা কৰা হৈছিল যদিও লক ডাউনৰ বাবে বাতিল কৰা হয় এই প্ৰক্ৰিয়া ৷ সেয়ে এতিয়া শেহতীয়া পৰিস্থিতিৰ প্ৰতি লক্ষ্য ৰাখি ৫-৬ আগষ্টত বিশেষ দিন হিচাপে ধার্য কৰা হৈছে। যিসকল সাংবাদিক-সংবাদকৰ্মীয়ে এতিয়াও নতুন সদস্য ভৰ্তি বা নৱীকৰণৰ বাবে আবেদন কৰা নাই তেওঁলোকক ওপৰত উল্লেখিত দিন কেইটাত গুৱাহাটী প্ৰেছ ক্লাব চৌহদত তেওঁলোকৰ প্ৰ-পত্ৰ সমূহ জমা দিবলৈ অনুৰোধ জনাইছে। ৩০ জুলাইৰ পৰা প্ৰ-পত্ৰ সংগ্ৰহ কৰিব পাৰিব বুলি গুৱাহাটী প্ৰেছ ক্লাৱৰ
সভাপতি মনোজ কুমাৰ নাথ আৰু সাধাৰণ সম্পাদক সঞ্জয় ৰায়ে এক বিবৃতি যোগে জনাইছে।
