আমেৰিকাতো ঘটে নেকি এনে ঘটনা! জ’ বাইডেনৰ শপতগ্ৰহণ অনুষ্ঠানৰ মাজতে টোপনি গ’ল বিল ক্লিণ্টন!
শপতগ্ৰহণ অনুষ্ঠানৰ মাজতে কেমেৰাত আবদ্ধ হোৱা এক বিশেষ দৃশ্যই এতিয়া আমোদ দিছে সকলোকে।
আমেৰিকা যুক্তৰাষ্ট্ৰৰ ৪৬ সংখ্যক ৰাষ্ট্ৰপতি হিচাপে শপত ল’লে জ’ বাইডেনে। ৭৮ বছৰীয়া বাইডেনে কেপিটল হলৰ আড়ম্বৰপূৰ্ণ অনুষ্ঠানত মাৰ্কিন ৰাষ্ট্ৰপতি হিচাপে শপত বাক্য পাঠ কৰে। ঠিক একেদৰে ভাৰতীয়মূলৰ কমলা হেৰীছে ৪৯ সংখ্যক উপ ৰাষ্ট্ৰপতি হিচাপে শপত বাক্য পাঠ কৰে।
কিন্তু শপতগ্ৰহণ অনুষ্ঠানৰ মাজতে কেমেৰাত আবদ্ধ হোৱা এক বিশেষ দৃশ্যই এতিয়া আমোদ দিছে সকলোকে। আমেৰিকা যুক্তৰাষ্ট্ৰৰ নতুন ৰাষ্ট্ৰপতিয়ে শপত পাঠ কৰি থকাৰ সময়তে চকু বন্ধ কৰি থকা দেখা গৈছিল দেশখনৰে প্ৰাক্তন ৰাষ্ট্ৰপতি বিল ক্লিণ্টনক। পিছত ফটোখন ভাইৰেল হোৱাত বহুতে প্ৰশ্ন কৰে যে, অনুষ্ঠানৰ মাজতে টোপনি গৈছিল নেকি ক্লিণ্টন? এই ঘটনাই এতিয়া আমোদ দিছে বহুতকে।
উল্লেখ্য যে, ৭৪ বছৰীয়া বিল ক্লিণ্টনে ইয়াৰ পূৰ্বে পত্নী হিলাৰী ক্লিণ্টন, প্ৰাক্তন ৰাষ্ট্ৰপতি বৰাক ওবামা আৰু জৰ্জ ডাব্লিউ ব্ৰুছৰ শপতগ্ৰহণ সমাৰোহতো উপস্থিত আছিল।
