হোজাই আৰক্ষীয়ে দেওবাৰে বৃহৎ পৰিমাণৰ সন্দেহজনক হেৰোইন জব্দ কৰাৰ লগতে সৰবৰাহৰ অভিযোগত ২ জনক আটক কৰিবলৈ সক্ষম হয়।
আৰক্ষীয়ে গোপন খবৰ ভিত্তিত অভিযান চলাই নাগালেণ্ডৰ ডিমাপুৰৰ পৰা গুৱাহাটী অভিমুখে ৰে’লযোগে আহি থকাৰ সময়ত সৰবৰাহাকী কেইজনক আটক কৰিবলৈ সক্ষম হয়।
সৰবৰাহকাৰী কেইজনৰ পৰা ৬০ টা চাবোন বাকচত ভৰ্তি প্ৰায় ৭৬০ গ্ৰাম সন্দেহজনক হেৰোইন উদ্ধাৰ কৰা হৈছে। জব্দকৃত হেৰোইনখিনিৰ বজাৰ মূল্য প্ৰায় ৩ কোটি টকা বুলি অনুমান কৰা হৈছে।
ধৃত লোক কেইজনক ক্ৰমে- ডবকাৰ আব্দুল ছালাম আৰু হোজাইৰ ইজাজুল হক বুলি চিনাক্ত কৰা হৈছে। ঘটনা সন্দৰ্ভত তদন্ত অব্যাহত ৰাখিছে আৰক্ষীয়ে।
