ষ্টাফৰিপোৰ্টাৰ, ১৬ মে’: বিজেপি গুৱাহাটী মহানগৰ জিলাৰ প্ৰাক্তন উপসভাপতি দীনেশ শৰ্মা (৬৭) ৰ শনিবাৰে মহানগৰীৰ ভঙাগড়স্থিত নেমকেয়াৰ হাস্পতালত মৃত্যু হয়। তেওঁ দীৰ্ঘদিন ধৰি জটিল ৰোগত আক্ৰান্ত হৈ কেইবাখনো চিকিৎসালয়ত চিকিৎসা গ্ৰহণ কৰি আছিল ৷ বিগত কিছুদিনৰ পৰা নেমকেয়াৰ হাস্পতালত ভৰ্তি হৈ চিকিৎসা গ্ৰহন কৰে যদিও শনিবাৰে বিয়লি ৩ বাজি ৫৫ মিনিটত মৃত্যু হয় ৷ তেওঁৰ মৃত্যুৰ খবৰটো বিয়পি পৰাৰ পাছতে ৰুপনগৰস্থিত বাসগৃহত অনেক গুনমুগ্ধই উপস্থিত হৈ শ্ৰদ্ধান্জলি জ্ঞাপন কৰে ৷ তেওঁ বিজেপিৰ ৰাজ্যিক জ্যেষ্ঠ নাগৰিক কোষৰ আহ্বায়কৰ দায়িত্বত পালন কৰিছিল ৷ইয়াৰ উপৰিও শৰ্মা বিভিন্ন সামাজিক অনুষ্ঠানৰ লগত ওত:প্ৰোতভাবে জড়িত আছিল ৷ লগতে তেওঁ অসম ৰাজ্যিক বিদুৎত পৰিষদৰ প্ৰাক্তন কৰ্মচাৰী আছিল ৷ মৃত্যুৰ সময়ত এগৰাকী পুত্ৰ, এগৰাকী কন্যা আৰু পত্নীক এৰি থৈ যায় ৷ শৰ্মাৰ মৃত্যুত বিজেপি গুৱাহাটী মহানগৰ জিলাৰ সভাপতি, তথা প্ৰাক্তন মেয়ৰ মৃগেন শৰনীয়াই দুখ প্ৰকাশ কৰে ৷ ইয়াৰ সমান্তৰালভাৱে তেওঁৰ সতীৰ্থ তথা প্ৰাক্তন জিলা সভিপতি বিচিত্ৰ নাৰায়ন কলিতাই গভীৰ দুখ প্ৰকাশ কৰি কয় “এজন নিষ্ঠাবান সতীৰ্থক হেৰুৱালো।” লগতে তেওঁৰ বিদেহ আত্মাৰ চিৰশান্তি কামনা কৰাৰ লগতে পৰিয়াললৈ গভীৰ সমবেদনা জ্ঞাপন কৰে ৷
