গুৱাহাটী আৰক্ষীয়ে ড্ৰাগছ সৰবৰাহৰ বিৰুদ্ধে কেইবাটাও অভিযান চলাই গান্ধী বস্তি আৰু খাৰঘুলি অঞ্চলৰ পৰা বৃহৎ পৰিমাণৰ সন্দেহজনক ড্ৰাগছসহ ৪ জন অভিযুক্তক গ্ৰেপ্তাৰ কৰিবলৈ সক্ষম হয়।
গোপন খবৰৰ ভিত্তিত অভিযান চলাই কেন্দ্ৰীয় গুৱাহাটী আৰক্ষী জিলা (চিজিপিডি) এছ.ও.জি. আৰু পল্টনবজাৰ পি.এছ.-য়ে ২৩০টা খালী ভাইলৰ লগতে প্লাষ্টিকৰ চাবোনৰ কেছত পেক কৰা প্ৰায় ৫ গ্ৰাম ওজনৰ সন্দেহজনক হেৰোইনৰ ৫ পেকেট উদ্ধাৰ কৰিবলৈ সক্ষম হয়। আৰক্ষীয়ে লগতে ৪২টা মোবাইল ফোনো উদ্ধাৰ কৰে।
ইফালে, আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰী কেইজনক ক্ৰমে- ৰোনাক প্ৰতিম মজুমদাৰ (৩৭), চেলিম আহমেদ (৩৮), ইদ্ৰিশ আলী (৩০) আৰু সুশীল বড়ো (৫২) বুলি চিনাক্ত কৰা হৈছে।
