উত্তৰ গুৱাহাটীৰ আমিনগাঁৱত সোমবাৰে পুৱাই এটা অচিনাক্ত মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে। পুৱা ব্ৰহ্মপুত্ৰৰ পাৰৰ শৰাইঘাট দলঙৰ তলত উদ্ধাৰ হয় মৃতদেহটো।
স্থানীয় লোকে সন্দেহ কৰা মতে লোকজনক কোনোৱে হত্যা কৰি নিশাৰ অন্ধকাৰৰ সুযোগ লৈ দলঙৰ তলত পেলাই থৈ যায়। আনহাতে মৃত ব্যক্তিজন বিহাৰী সম্প্ৰদায়ৰ বুলি ধাৰণা কৰা হৈছে।
ঘটনাস্থলীত আৰক্ষীৰ দল উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে।
