নিচান মটৰ ইণ্ডিয়া প্ৰাইভেট লিমিটেড(এনএমআইপিএল)-এ ইণ্ডিয়া বুক অৱ ৰেকৰ্ডছত নিজৰ নাম অন্তৰ্ভুক্ত কৰিবলৈ সক্ষম হৈছে। ৬০খন সম্পূৰ্ণ নতুন নিচান টেক্টন প্ৰিমিয়াম এছইউভিৰ এটা কনভয়ে লেহ চহৰত উপস্থিত হৈ এই সফলতা অৰ্জন কৰে। কোম্পানীটোৱে সদৰি কৰা অনুসৰি এয়া আছিল লেহত উপস্থিত হোৱা যিকোনো এটা নিৰ্দিষ্ট মডেলৰ চাৰিচকীয়া বাহনৰ আটাইতকৈ ডাঙৰ কনভয়। মটৰগাড়ী নিৰ্মাতা প্ৰতিষ্ঠানটোৱে গোলকীয় এছইউভি ঐতিহ্যৰ ৭৫ বছৰীয়া জয়ন্তী উদযাপন কৰাৰ সময়তে এই কৃতিত্ব অৰ্জন কৰিছে।
এই ৫ দিনীয়া অভিযান চণ্ডীগড়ৰ পৰা আৰম্ভ হৈ মানালি আৰু শ্বিংকু লা হৈ জাংলা পাৰ হৈ লেহত সামৰণি পৰে, য’ত ৭০০ কিলোমিটাৰতকৈও অধিক দূৰত্ব অতিক্ৰম কৰিছিল। এই যাত্ৰাৰ সময়ত কনভয়টো চণ্ডীগড়ৰ ১,০৫৩ ফুট উচ্চতাৰ পৰা ১৬,৭০৩ ফুট উচ্চতাৰ শ্বিংকু লা পাছলৈ যাত্ৰা কৰিছিল আৰু তাৰ পিছত ১১,৪৮০ ফুট উচ্চতাৰ লেহলৈ নামি আহিছিল। এই সমগ্ৰ যাত্ৰাত কনভয়টোৱে বিভিন্ন বতৰৰ মাজত ঘাইপথ, পৰ্বতীয়া পথ আৰু অতি উচ্চতাৰ দুৰ্গম অঞ্চল অতিক্ৰম কৰে। বাহনখনৰ সামৰ্থ্য, স্থায়িত্ব আৰু ইঞ্জিনিয়াৰিং কাৰ্যক্ষমতা বাস্তৱ ক্ষেত্ৰত প্ৰমাণ কৰিবলৈ এই কনভয়টো সংবাদ মাধ্যমৰ কৰ্মী আৰু উদ্যোগ বিশেষজ্ঞসকলে নিৰীক্ষণ কৰিছিল।
নিচান মটৰ ইণ্ডিয়াৰ পৰিচালন সঞ্চালক সৌৰভ বত্সই এই বিষয়ে কয় যে এই অভিলেখে কোম্পানীটোৰ ৭৫ বছৰীয়া এছইউভি ঐতিহ্যক প্ৰতিফলিত কৰে আৰু ভাৰতৰ বিভিন্ন ড্ৰাইভিং পৰিৱেশত একেবাৰে নতুন টেক্টন-ৰ ইঞ্জিনিয়াৰিং তথা কাৰ্যক্ষমতাৰ ওপৰত বিশ্বাস বৃদ্ধি কৰে।
ৱান কাৰ, ৱান ৱৰ্ল্ড দৰ্শনৰ অধীনত নিচানৰ চেন্নাই প্ৰকল্পত নিৰ্মিত টেক্টন বাহনক ঘৰুৱা আৰু ৰপ্তানি বজাৰ (মধ্য প্ৰাচ্য আৰু আফ্ৰিকাকে ধৰি) দুয়োটাৰে বাবে উপযুক্তভাৱে প্ৰস্তুত কৰা হৈছে। এই এছইউভিখনত এশ শতাংশ টাৰ্বোচাৰ্জড ইঞ্জিন, উন্নত সুৰক্ষা প্ৰযুক্তি, গুগল প্লে’ৰ জৰিয়তে ২০০তকৈও অধিক এপ্ছ ব্যৱহাৰ কৰিব পৰাকৈ ইন-বিল্ট গুগল ব্যৱস্থা আৰু জাপানী শৈলীৰ ডিজাইন আছে। টাৰ্বো টি১৬০ শৃংখলাৰ বাবে মডেলটোৰ মূল্য ১০.৪৯ লাখ টকা আৰু টাৰ্বো টি২৮০ শৃংখলাৰ বাবে ১৪.৯৯ লাখ টকা(এক্স-শ্ব’ৰুম)ৰ প্ৰাৰম্ভিক মূল্যত উপলব্ধ। সমগ্ৰ দেশতে বাহনখনৰ বুকিং মুকলি হৈছে আৰু ২০ জুলাইৰ পৰা গ্ৰাহকক বাহন যোগান আৰম্ভ হৈছে।
গুৱাহাটী মহানগৰীত এই অভিলেখ সৃষ্টিকাৰী সফলতাই অসম তথা উত্তৰ-পূৰ্বাঞ্চলৰ এছইউভি ক্ৰেতাসকলৰ মাজত টেক্টন বাহনৰ আকৰ্ষণ বৃদ্ধি কৰিব বুলি আশা কৰা হৈছে, য’ত পাহাৰীয়া অঞ্চল আৰু দীৰ্ঘ দূৰত্বৰ যাত্ৰাৰ বাবে উপযোগী বাহনৰ চাহিদা ধাৰাবাহিকভাৱে বৃদ্ধি পাই আহিছে। এই স্বীকৃতিয়ে অঞ্চলটোত নিচানৰ ব্ৰেণ্ড ভেল্যু বৃদ্ধিৰ সম্ভাৱনা আছে আৰু প্ৰত্যাহ্বানমূলক পথত প্ৰমাণিত কাৰ্যক্ষমতা সম্পন্ন প্ৰিমিয়াম এছইউভি বিচৰা গ্ৰাহকসকলক আকৰ্ষণ কৰি প্ৰতিষ্ঠানটোৰ ডীলাৰশ্বিপ নেটৱৰ্কৰ জৰিয়তে বিক্ৰী বৃদ্ধিত সহায় কৰিব পাৰে।
About the Author
