চেমচাঙে ২০২৪ৰ ১৭ এপ্ৰিলত কৃত্ৰিম বুদ্ধিমত্তা(এআই)চালিত নতুন পৰিসৰৰ টেলিভিছন মুকলি কৰিবলৈ সাজু হৈছে। এই বৰ্ষৰ আৰম্ভণিতে চেমচাঙৰ বৃহৎ এআই সম্পৰ্কীয় ঘোষণাৰ পিছতে এআই টেলিভিছনৰ আগন্তুক পৰিসৰ মুকলি কৰা হৈছে। চেমচাঙে জানুৱাৰী মাহত গেলেক্সি এছ২৪ শৃংখলাৰ সৈতে নিজৰ স্মাৰ্টফোনৰ বাবে গেলেক্সি এআই মুকলি কৰিছিল আৰু এই সপ্তাহৰ আৰম্ভণিতে নিজৰ ঘৰুৱা সঁজুলিৰ বাবে বেচপোক এআই মুকলি কৰিছিল।
চেমচাঙৰ নিঅ’ কিউএলইডি 8কে শৃংখলা, নিঅ’ কিউএলইডি ৪কে ছিৰিজ আৰু অ’এলইডি ছিৰিজ এই বছৰ এআইৰ দ্বাৰা চালিত কৰাৰ বাবে সকলো পদক্ষেপ হাতত লোৱা হৈছে।চেমচাঙে ভাৰতত এআই টিভিৰ আগতীয়া অৰ্ডাৰ গ্ৰহণ আৰম্ভ কৰিছে আৰু গ্ৰাহকসকলে এতিয়া চেমচাং.কম আৰু চেমচাং শ্বপ এপত ৫০০০ টকাত প্ৰি-অৰ্ডাৰ কৰিব পাৰিব। প্ৰি-অৰ্ডাৰ কৰা গ্ৰাহকসকলে আগতীয়াকৈ লাভ কৰিব বিশেষ অফাৰ।
প্ৰি-অৰ্ডাৰ কৰিলে নিঅ’ কিউএলইডি ৮কে ছিৰিজ ৭৫ ইঞ্চি আৰু তাৰ ওপৰৰ) ১৫,০০০ টকা মূল্যৰ সুবিধা পাব গ্ৰাহকসকলে, আনহাতে নিঅ’ কিউএলইডি ৪কে আৰু অ’এলইডি ছিৰিজ প্ৰি-অৰ্ডাৰ কৰিলে ১০,০০০ টকা মূল্যৰ সুবিধা লাভ কৰিব। চেমচাঙৰ নতুন নিঅ’ কিউএলইডি ৮কে টিভিয়ে আল্ট্ৰা-ইমাৰ্চিভ অডিঅ’ আৰু শক্তিশালী অডিঅ’ বৈশিষ্ট্যৰ সৈতে এক প্ৰিমিয়াম দৰ্শন অভিজ্ঞতা, ব্যক্তিগতকৃত অভিজ্ঞতা, শক্তি সঞ্চয় আৰু উদ্ভাৱনীমূলক সুবিধাও প্ৰদান কৰে।
