নিচান মটৰ ইণ্ডিয়া প্ৰাইভেট লিমিটেড(এনএমআইপিএল)-এ ভাৰতীয় বজাৰত নিজৰ বিকাশৰ গতি ধাৰাবাহিকভাৱে বজাই ৰাখি ২০২৬ চনৰ মে’ মাহত এক শক্তিশালী প্ৰদৰ্শন দাঙি ধৰিছে। কোম্পানীটোৱে এই মাহত ঘৰুৱা পাইকাৰী বিক্ৰীত বছৰি ভিত্তিত ১১৮ শতাংশ বৃদ্ধি কৰিবলৈ সক্ষম হৈছে। কোম্পানীটোৱে জনোৱা মতে, এই মাহত ঘৰুৱা পাইকাৰী বিক্ৰী আছিল ২,৯৪৮খন বাহন, আনহাতে ৰপ্তানিৰ পৰিমাণ ৫,০২৩ ইউনিট স্পৰ্শ কৰিবলৈ সক্ষম হয়। মে’ মাহৰ মুঠ পাইকাৰী বিক্ৰী হৈছিল ৭,৯৭১খন বাহন। এই শেহতীয়া পৰিসংখ্যাই নিচান ইণ্ডিয়াৰ ঘৰুৱা বিক্ৰীৰ ক্ষেত্ৰত বছৰি ভিত্তিত ধাৰাবাহিকভাৱে তৃতীয়টো মাহৰ বাবে বৃদ্ধি চিহ্নিত কৰিছে।
নিচান মটৰ ইণ্ডিয়াৰ পৰিচালন সঞ্চালক সৌৰভ বত্সই এই প্ৰদৰ্শনৰ সন্দৰ্ভত মন্তব্য কৰি কয় যে, এই ধাৰাবাহিক বিকাশে ব্ৰেণ্ডটোৰ প্ৰতি গ্ৰাহকৰ ক্ৰমবৰ্ধমান বিশ্বাস প্ৰতিফলিত কৰিছে। তেওঁ এই সফলতাৰ আঁৰত সম্পূৰ্ণ নতুন নিচান গ্ৰেভাইট গাড়ীখনে লাভ কৰা ইতিবাচক সঁহাৰি আৰু ইয়াৰ চিএনজি মডেলৰ লগতে নিচান মেগনাইটৰ ধাৰাবাহিক জনপ্ৰিয়তাক প্ৰধান কাৰণ হিচাপে উল্লেখ কৰে। বত্সই কয় যে, “নিচানৰ বছৰেকীয়া ভিত্তিত ঘৰুৱা বিক্ৰীৰ ধাৰাবাহিকভাৱে তৃতীয়টো মাহৰ বৃদ্ধি হৈছে, গ্ৰাহকে নিচানৰ ওপৰত দেখুৱাই অহা বিশ্বাসৰ এক উৎসাহজনক প্ৰতিফলন।” তেওঁ লগতে কয় যে, কোম্পানীটোৱে সমগ্ৰ দেশতে নিজৰ শ্ব’ৰুম আৰু সেৱাৰ নেটৱৰ্ক সম্প্ৰসাৰণ কৰা, গ্ৰাহকৰ বাবে প্ৰৱেশাধিকাৰ সহজ কৰা আৰু গ্ৰাহকৰ অভিজ্ঞতা উন্নত কৰাৰ ওপৰত গুৰুত্ব দি আহিছে।
ইফালে, নিচানে নিচান টেক্টন বাহনৰ ৱৰ্ল্ড প্ৰিমিয়াৰৰ বাবেও প্ৰস্তুতি চলাইছে, যাক কোম্পানীটোৱে ভাৰতত নিজৰ বিকাশৰ ৰণনীতি আৰু সামগ্ৰী সম্প্ৰসাৰণ পৰিকল্পনাৰ এক গুৰুত্বপূৰ্ণ মাইলৰ খুঁটি বুলি বৰ্ণনা কৰিছে।
গুৱাহাটী মহানগৰীত সংপৃক্ত এছইউভি আৰু ইন্ধন সাশ্ৰয়ী বাহনৰ বৰ্ধিত চাহিদাই নিচানৰ দৰে ব্ৰেণ্ডসমূহৰ প্ৰতি গ্ৰাহকৰ আগ্ৰহ বৃদ্ধি কৰিছে। উদ্যোগ জগতৰ পৰ্যবেক্ষকসকলৰ মতে, মেগনাইট আৰু নতুনকৈ মুকলি কৰা গ্ৰেভাইটৰ দৰে মডেলসমূহে উত্তৰ-পূৰ্বাঞ্চলৰ ক্ৰেতাসকলক আকৰ্ষণ কৰিব পাৰে, য’ত সুলভ মূল্যৰ আৰু আধুনিক সা-সুবিধাযুক্ত এছইউভিৰ চাহিদা ধাৰাবাহিকভাৱে শক্তিশালী হৈ আছে।
নিচান মটৰ ইণ্ডিয়াই বৰ্তমান ৬৫টা আন্তঃৰাষ্ট্ৰীয় গন্তব্যস্থানত ঘৰুৱা আৰু ৰপ্তানি বজাৰৰ প্ৰয়োজনীয়তা পূৰণ কৰি আহিছে আৰু ২০২৫ চনত ১.২ মিলিয়ন সঞ্চয়ী বাহন ৰপ্তানিৰ লক্ষ্য অৰ্জন কৰিছে, যাৰ ফলত ভাৰতৰ আগশাৰীৰ বাহন ৰপ্তানিকাৰীসকলৰ মাজত নিজৰ স্থান শক্তিশালী হৈ পৰিছে।
About the Author
