নৱাজ শ্বৰীফে আনুষ্ঠানিকভাৱে কনিষ্ঠ ভাতৃ শ্বেহবাজক প্ৰধানমন্ত্ৰী পদৰ বাবে মনোনীত কৰিছে। পাকিস্তান মুছলিম লীগ-নাৱাজ (পিএমএল-এন) সংসদীয় দলে বুধবাৰে জ্যেষ্ঠ নেতা চৰ্দাৰ আয়াজ চাদিককো নেচনেল এচেম্বলীৰ অধ্যক্ষ পদৰ বাবে মনোনীত কৰে। নতুন নেচনেল এচেম্বলীৰ উদ্বোধনী অধিৱেশনৰ এদিন পূৰ্বে এই ঘোষণা হয়। ৮ ফেব্ৰুৱাৰীৰ সাধাৰণ নিৰ্বাচনৰ পিছত বৃহস্পতিবাৰে প্ৰথমবাৰৰ বাবে নতুন নেচনেল এচেম্বলীৰ বৈঠক অনুষ্ঠিত হয়।
পিএমএল-এনৰ উপ সচিব আত্তাউল্লাহ তাৰাৰে বৈঠকৰ পিছত এক বিবৃতিত কয় যে দলৰ সৰ্বোচ্চ নেতা নৱাজ শ্বৰীফৰ অধ্যক্ষতাত বুধবাৰে ইছলামাবাদত পিএমএল-এন সংসদীয় সদস্যসকলৰ এখন বৈঠক অনুষ্ঠিত হয়।তাৰাৰে কয় যে নৱাজে তেওঁৰ কনিষ্ঠ ভাতৃ শ্বেহবাজ শ্বৰীফ আৰু দলৰ অনুগত চৰ্দাৰ আয়াজ চাদিকক ক্ৰমান্বয়ে প্ৰধানমন্ত্ৰী আৰু ৰাষ্ট্ৰীয় সভাৰ অধ্যক্ষ পদৰ বাবে আনুষ্ঠানিকভাৱে মনোনীত কৰিছে। তেওঁ কয় যে সংসদীয় দলে প্ৰধানমন্ত্ৰী পদৰ বাবে ৭২ বছৰীয়া শ্বেহবাজ শ্বৰীফৰ নাম সমৰ্থন কৰিছে।
