ফিফা বিশ্বকাপ ২০২৬-ত এক ডাঙৰ অঘটন দেখিবলৈ পোৱা গৈছে। চাৰিবাৰৰ বিশ্ব চেম্পিয়ন জাৰ্মানীক নকআউট কৰিলে ৪১ নম্বৰ ৰেংকিঙত থকা পাৰাগুৱে। নিৰ্ধাৰিত আৰু অতিৰিক্ত সময়ত খেলখন ১-১ গ’লত ড্ৰ’ হোৱাৰ পিছত, পেনাল্টী শ্বুটআউটত পাৰাগুৱে ৪-৩ ব্যৱধানত জয়লাভ কৰে। বিশ্বকাপৰ ইতিহাসত জাৰ্মানীয়ে পেনাল্টী শ্বুটআউটত পৰাস্ত হোৱা এয়াই প্ৰথম ঘটনা।
পাৰাগুৱেৰ ৬ ফুট ৬ ইঞ্চি উচ্চতাৰ গ’লৰক্ষক অৰ্লেণ্ডো গিলে জাৰ্মানীৰ তাৰকা খেলুৱৈ কাই হাভাৰ্টজ আৰু নিক ৱল্টমেডৰ দুটাকৈ পেনাল্টী ৰক্ষা কৰি দলৰ জয়ৰ পথ প্ৰশস্ত কৰে। শেষত ডিফেণ্ডাৰ জোচে কেনালে’ই পেনাল্টীত অন্তিমটো গ’ল কৰি পাৰাগুৱেৰ জয় নিশ্চিত কৰে। খেলৰ ৪২ মিনিটত জুলিঅ’ এনচিচোৰ সুন্দৰ হেডাৰেৰে পাৰাগুৱে প্ৰথমে অগ্ৰগতি লৈছিল।
কিন্তু দ্বিতীয় অৰ্ধত জাৰ্মানীৰ কাই হাভাৰ্টজে এটা গ’ল কৰি খেলখন ১-১ সমতালৈ আনে। ২০১৪ চনৰ চেম্পিয়ন জাৰ্মানীয়ে ২০১৮ আৰু ২০২২ চনৰ পিছত এইবাৰো বিশ্বকাপত বেয়াকৈ ব্যৰ্থ হৈছে। এই ঐতিহাসিক জয়ৰ পিছত, অহা শনিবাৰে ফিলাডেলফিয়াত অনুষ্ঠিত হ’বলগীয়া অন্তিম ১৬ ৰ গুৰুত্বপূৰ্ণ মেচত পাৰাগুৱে হয় ফ্ৰান্স নহয় ছুইডেনৰ মুখামুখি হ’ব।
About the Author
