হাইলাকান্দিত ৩০০ গ্ৰাম হেৰ’ইনসহ ৩ জনক আটক, উদ্ধাৰ নগদ ধনো…

333

হাইলাকান্দি আৰক্ষীয়ে সোমবাৰে ৩০০ গ্ৰাম সন্দেহযুক্ত হেৰ’ইন জব্দ কৰাৰ লগতে তিনিজন লোকক আটক কৰে।

খবৰ অনুসৰি, ধলেশ্বৰী নদীত আৰক্ষীয়ে অভিযান চলাই ৰামনাথপুৰ থানাৰ অন্তৰ্গত ধলেশ্বৰী ফেৰী ঘাটৰ সীমান্তৱৰ্তী অসম-মিজোৰামত এখন নাওৰ পৰা ৪২টা কণ্টেইনাৰ জব্দ কৰে।

হেৰ’ইনৰ লগতে আৰক্ষীয়ে নাওখনৰ পৰা চোকা অস্ত্ৰ-শস্ত্ৰ আৰু নগদ ১ লাখ নগদ ধনো জব্দ কৰে।

ধৃত লোককেইজন হৈছে মনিৰ উদ্দিন লস্কৰ, আলতা হুছেইন তাপাদাৰ আৰু আহাদ উদ্দিন লস্কৰ।

বিষয়টোক লৈ এতিয়াও তদন্ত অব্যাহত আছে।

ইয়াৰ পূৰ্বে দেওবাৰে হাইলাকান্দি জিলাৰ বঙালপুৰ গাঁৱৰ পৰা ১ কোটি টকাৰ সন্দেহযুক্ত হেৰ’ইন জব্দ কৰে যদিও বেপাৰীক গ্ৰেপ্তাৰ কৰাত ব্যৰ্থ হয়।