বহি বিশ্বৰে যোগাযোগ বিচ্ছিন্ন হোৱাৰ পথত বাক্সাৰ এখন গাঁও।
সমাগত বাৰিষা বাল্টি নৈৰ গৰাখহনীয়াত এটা পথ জাহ গলেই যোগাযোগ বিচ্ছিন্ন হোৱাৰ আশংকাত শংকিত গাঁওখনৰ ৰাইজ।কাণসাৰ নাই বিধায়ক জলেন দৈমাৰীৰ ।মুখ্যমন্ত্ৰীক শীঘ্ৰে পথ নিৰ্মাণৰ দাবী যাতায়াতত চৰম দুৰ্ভোগ ভোগা ৰাইজৰ ।বাক্সা জিলাৰ গোৰেশ্বৰৰ সমীপৱৰ্তী ঘিলাঝাৰ গাৱলৈ যোৱা দয়াৰাম চৌধুৰী পথটো সমাগত বাৰিষা বাল্টি নৈৰ খহনীয়াত জাহ গ’লে বৰ্হি বিশ্বৰে যোগাযোগ বিচ্ছিন্ন হোৱাৰ আশংকাত শংকিত হৈ পৰিছে অঞ্চলটোৰ ৰাইজ। ইতিমধ্যে নৈৰ খহনীয়াত সংকুচিত হৈ ওখৰা মোখৰা হৈ পৰা এই পথটোৰে কোনো মতে যাতায়াত কৰি আহিছে অঞ্চলবাসী ৰাইজে। পথটোৰ দুৰৱস্থাই ৰাইজক যাতায়াতত জ্বলাকলা খুৱাই আহিছে যদিও তামুলপুৰ বিধানসভা সমষ্টিৰ সীমাত থকা তথা বিটিচিৰ শুক্লাই ছেৰফাং পৰিষদীয় সমষ্টিৰ অন্তৰ্গত ঘিলাঝাৰৰ পৰা নাগ্ৰীজুলি সংযোগ কৰা এই কেঁচা পথটো চৰকাৰে পকীকৰন কৰা নাই। ৰাইজৰ অভিযোগ তামুলপুৰ বিধানসভা সমষ্টিৰ বিধায়ক জলেন দৈমাৰীৰ গুৰুত্বহীনতাৰ বাবে এই পথটো আজিও পকীকৰণ নহল। বিধায়ক দৈমাৰীয়ে এই পথটো নিৰ্মাণৰ ব্যৱস্থা নকৰাৰ ফলত এজাক বৰষুণতে বোকা-পানীৰে বিধ্বস্ত হৈ পৰা পথটোৰে বিশেষকৈ স্কুলীয়া ছাত্ৰ-ছাত্ৰী, প্ৰসূতি,ৰোগীৰ লগতে সকলো ৰাইজৰে যাতায়াত কৰাত ভীষণ অসুবিধা হয়। প্ৰতি বছৰে বাৰিষা বাল্টি নদীৰ গৰাখহনীয়াত অলপ অলপকৈ সংকুচিত হৈ পৰা পথটো সমাগত বাৰিষা নিশ্চিহ্ন হৈ পৰাৰ আশংকা কৰি শংকিত হৈ পৰিছে গাঁওখনৰ ৰাইজ। কিয়নো সমাগত বাৰিষা বাল্টি নদীৰ খহনীয়াত পথটো জাহ গ’লে এই অঞ্চলটোৰ ৰাইজ বহি বিশ্বৰ লগত যোগাযোগ বিচ্ছিন্ন হৈ পৰাটো নিশ্চিত হৈ পৰিছে। উল্লেখ্য যে বাল্টি নদীৰ খহনীয়াত পথটোৰ কিছু অংশ নদীৰ বুকুত জাহ যোৱাত ৰাইজে বিকল্প পথ হিচাপে নদীৰ পাৰত থকা বাঁহ গছৰ তলে তলে অহা যোৱা কৰে। ৰাইজে নিজৰ সুবিধাৰ্থে বাঁহৰ তলেৰে অহা-যোৱা কৰে যদিও চাইকেল আৰু দুচকীয়া বাহনৰ বাহিৰে চাৰিচকীয়া যান বাহনৰ ওপৰি ১০৮ গাড়ী য়াব নোৱাৰে।
ভূক্তভোগী ৰাইজে জনোৱা মতে বিটিচিৰ মুখ্য কাৰ্যবাহী সদস্য প্ৰমোদ বড়ো আৰু মুখ্যমন্ত্ৰী হিমন্ত বিশ্ব শৰ্মাক পথটো নিৰ্মাণ কৰিবলৈ অঞ্চলটোৰ ৰাইজে পৃথকে পৃথকে স্মাৰক পত্ৰ দি আবেদন জনাইছিল। ইয়াৰ পিছতো কিন্তু পথটো আজিও নিৰ্মাণ কৰা নহল। ফলত যাতায়াতত চৰম দূৰ্ভোগ ভূগিব লগীয়া হোৱা ৰাইজে পথটো অতি শীঘ্ৰে নিৰ্মাণ কৰি যাতায়াত ব্যবস্থা সুচল কৰি তুলিবলৈ পুনৰ মুখ্যমন্ত্ৰী হিমন্ত বিশ্ব শৰ্মাক আহ্বান জনাইছে।
