কাজিৰঙা ৰাষ্ট্ৰীয় উদ্যানত এটি মাইকী ৰয়েল বেংগল বাঘৰ মৃতদেহ উদ্ধাৰক লৈ সৃষ্টি হৈছে তীব্ৰ চাঞ্চল্যৰ। বাঘটোৰ মৃত্যু বিষক্ৰিয়াৰ ফলত হোৱাৰ সন্দেহ কৰিছে একাংশই।
ইষ্টাৰ্ণ আছাম ৱাইল্ডলাইফ ডিভিজনেল ফৰেষ্ট অফিচাৰ ৰমেশ গগৈয়ে কয়, “মঙলবাৰে আবেলি ২:৪৫ বজাত উদ্যানখনৰ মুখ্য পৰ্যটন ক্ষেত্ৰৰ ওচৰৰ শিলডুবিত চাৰে চাৰি বছৰীয়া বাঘটোৰ মৃতদেহ উদ্ধাৰ হয়।”
মৃত্যুৰ কাৰণ বিষক্ৰিয়া হোৱা বুলি সন্দেহ কৰা হৈছে আৰু প্ৰাথমিক প্ৰতিবেদন বোকাখাতৰ উপ-বিভাগীয় ন্যায়িক দণ্ডাধীশৰ ওচৰত দাখিল কৰা হৈছে।
ঘটনাস্থলীত এটা গৰুৰ মৃতদেহও উদ্ধাৰ হৈছে। সন্দেহ কৰা হৈছে যে গৰুটো বিষাক্ত কৰা হৈছিল আৰু বাঘৰ বাবে টোপ হিচাপে ৰখা হৈছিল। দুয়োটা মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।
About the Author
