কলিয়াবৰত এখন বাহন খাৱৈত বাগৰি পৰাৰ ফলত চাৰিজন লোকৰ মৃত্যু হোৱাৰ বিপৰীতে এজন গুৰুতৰভাৱে আহত হয়।
বাগৰি আৰক্ষী চৌহদৰ অন্তৰ্গত কাঞ্চনজুৰিৰ ৩৭ নং ৰাষ্ট্ৰীয় ঘাইপথ পানীৰ তলত ডুব যোৱাৰ সময়তে এএছ ০৩এই ৮০০৩ নম্বৰৰ হোণ্ডা এচেণ্ট বাহনখনে নিয়ন্ত্ৰণ হেৰুৱাই বাগৰি পৰে।
শোকাবহ দুৰ্ঘটনাটোত ৪ জন থিতাতে নিহত হোৱাৰ লগতে এজন গুৰুতৰভাৱে আহত হয়। মঙলবাৰে পুৱা ৮ বজাত গুৱাহাটীৰ পৰা যোৰহাট অভিমুখে গৈ থকা অৱস্থাত সংঘটিত হয় এই ঘটনা।
নিহত কেইজনক শচীন বৰদলৈ (১৮), লোহিত দাস(২৩), ঋষভ দাস(১৯) আৰু ৰাহুল সেনাপতি বুলি চিনাক্ত কৰা হৈছে।
