গুৱাহাটীৰ ডাবল মাৰ্ডাৰ কেছৰ প্ৰধান অভিযুক্ত বন্দনা কলিতাৰ জামিন মঞ্জুৰ আদালতৰ।
খবৰ অনুসৰি বন্দনা কলিতাই সপ্তাহত দুদিন নুনমাটি থানাত হাজিৰ হ’ব লাগিব আৰু আদালতৰ অনুমতি অবিহনে গৃহ জিলাৰ পৰা ওলাই যাব নোৱাৰিব।
ইয়াৰ পূৰ্বে অক্টোবৰ মাহত ৰাজ্য জোকাৰি যোৱা নুনমাটি ডাবল মাৰ্ডাৰ কাণ্ডৰ অন্যতম সহযোগীক গৌহাটী উচ্চ ন্যায়ালয়ে জামিন প্ৰদান কৰিছে।
মূল অভিযুক্ত বন্দনা কলিতাৰ অন্যতম সহযোগী অৰূপ ডেকাই বৃহস্পতিবাৰে জামিন লাভ কৰে। ইয়াৰ পূৰ্বে অৰূপ ডেকাক এই ঘটনাৰ সৈতে সম্পৰ্ক থকাৰ অভিযোগত ৪ মাৰ্চত ন্যায়িক জিম্মালৈ প্ৰেৰণ কৰিছিল আদালতে।
বন্দনা কলিতাই ২০২২ চনৰ ২৭ জুলাইত শাহুৱেক শংকৰী দে’ক হত্যা কৰি মৃতদেহ টুকুৰা টুকুৰকৈ কাটি মেঘালয়ত পেলাই দিছিল। ২০২২ চনৰ ১৭ আগষ্টত স্বামী অমৰজ্যোতি দে’কো হত্যা কৰিছিল।
পিছত এই ঘটনা পোহৰলৈ অহাত মূল অভিযুক্ত বন্দনা কলিতাৰ লগতে তেওঁৰ সহযোগী অৰূপ ডেকা আৰু ধন্টী ডেকাক গুৱাহাটী আৰক্ষীয়ে গ্ৰেপ্তাৰ কৰে।
ইয়াৰ পিছতে মেঘালয়ত নিহতসকলৰ শৰীৰৰ অংগ বিচাৰি ব্যাপক তালাচী অভিযান চলোৱা হয়।
