🔷বিজেপি চৰকাৰৰ দিনতে বগা চাউলৰ কলা বেহা

দুৰ্নীতিৰ শ্লোগান আওৰুৱা বিজেপি চৰকাৰৰ দিনতে বগা চাউলৰ কলা বেহা।

যি সময়ত মুখ্যমন্ত্ৰীয়ে দৰিদ্ৰৰ নামত আৱণ্টিত খাদ্য সুৰক্ষাৰ চাউল হৰলুকি কৰিছে সেই সকলক কঠোৰ ব্যৱস্থা গ্ৰহণ কৰাৰ হুংকাৰ দিয়াৰ পিছতো গা লৰা নাই একাংশৰ।

নৱগঠিত তামুলপুৰ জিলাৰ মহৰিপাৰা সমবায় সমিতি লিমিটেডৰ নামত ভাৰতীয় খাদ্য নিগমৰ পৰা অহা খাদ্য সুৰক্ষা যোজনাৰ ১২ খনকৈ চাউল ভৰ্ত্তি ট্ৰাক ৩১ মে ত মহৰিপাৰালৈ ৰাওনা হৈছিল কিন্তু এতিয়া লৈ নিৰুদ্দেশ ১২ খন ট্ৰাক ।।
ইপিনে ৩ জুনৰ নিশাও মহৰিপাৰা সমিতিলৈ ৮ খন ট্ৰাক সমবায় সমিতি লৈ আহিছিল পিছে ৪খন ট্ৰাক সমবায় সমিতিৰ গুডাম আহি পায় যদিও বৰ্তমানেও সন্ধান উলিৱাৱ পৰা নাই ৬ চকীয়া ৪খনকৈ চাউল ভৰ্ত্তি ট্ৰাক।
কলৈ গল ট্ৰাকসহ চাউলসমুহ।ৰাইজৰ সন্দেহ ইয়াৰ লগত জড়িত আছে চৰকাৰী বিষয়া নিৰঞ্জন কলিতা।

আনহাতে ঘটনাৰ তদন্তৰ বাবে নৱগঠিত তামুলপুৰ জিলাৰ অতিৰিক্ত উপায়ুক্ত কোকিলা গগৈ মহৰিপাৰাত উপস্থিত হৈ তদন্ত আৰম্ভ কৰিৱ বুলি ৰাইজক অবগত কৰিছিল যদিও এতিয়াও কোনো তদন্তৰ শুং সুত্রঃ নাই অতিৰিক্ত উপায়ুক্ত গৰাকীৰ ।
ইয়াৰ পিছতে সোমবাৰে স্থানীয় ৰাইজ তথা দল সংগঠনে গোৰেশ্বৰৰ মহৰিপাৰা সমিতিলৈ আহি, প্ৰতিবাদ সাব্যস্ত কৰাৰ লগতে খাদ্য বিভাগৰ মন্ত্রী ৰঞ্জিত দাসলৈ স্মাৰক পত্র প্ৰেৰণ কৰে।
প্ৰতিবাদ কাৰী সকলে বিজেপি চৰকাৰ হাই হাই, ৰাজ্যিক বিজেপি সভাপতি ভবেশ কলিতা মুৰ্দাবাদ, শুক্লাই চেৰফাং সমষ্টিৰ ই এম ৰনেন্দ নাৰ্জাৰী মুদ্দাবাদ, গোৰেশ্বৰ পৰিষদীয় সমষ্টিৰ এম চি এল এ পবিত্র কুমাৰ বড়ো হায় হায় আদি শ্লোগানেৰে উত্তাল কৰে মহৰিপাৰা সমবায় সমিতিৰ চৌহদ । ।

ইপিনে প্ৰতিবাদ কাৰী সকলে কয় যে যদিহে দুখিয়াৰ চাউল ওভতাই দিৱ নোৱাৰে তেতিয়া হলে গোৰেশ্বৰৰ বৃহত্তৰ অঞ্চল লগ লাগি বৃহৎ গণতান্ত্রিক আন্দোলন গঢ়ি তুলিৱ বুলি হুংকাৰ দিয়ে।