🔷নেৰানেপেৰা বৰষুণৰ ফলত বানৰ তাণ্ডৱ

বিগত চাৰি পাঁচ দিন ধৰি হোৱা নেৰানেপেৰা বৰষুণৰ ফলত নদ,নদী উফন্দি উঠিছে।ইপিনে নেৰানেপেৰা বৰষুণৰ ফলত ৰহা নগৰতো এতিয়া কৃত্ৰিম বানৰ সৃষ্টি হৈছে।ৰহা নগৰৰ বিভিন্ন স্থানত হোৱা কৃত্ৰিম বানৰ ফলত এতিয়া একাঠু একাঠু পানীৰ সৃষ্টি হৈছে।ৰাইজৰ অভিযোগ ৰহা পৌৰসভাই ৰহা নগৰত নলা সমূহ নিৰ্মান কৰিলে যদিও সেই সমূহ বিজ্ঞান সন্মত ভাবে নিৰ্মাণ নকৰাৰ বাবেই বৰ্তমান কৃত্ৰিম বানৰ কবলত পৰিছে পৌৰসভাৰ অন্তৰ্গত বিভিন্ন অঞ্চল।কৃত্ৰিম বানৰ ফলত ৰহা নগৰ বাসীৰ মাজত সৃষ্টি হৈছে সমস্যাৰ।উল্লেখযোগ্য যে নলা সমূহ নিৰ্মানত আসোৱাহ ৰৈ যোৱাৰ বাবেই পদপথত জমা হোৱা পানী নলা ভিতৰেদি নোসোমাই নলাৰ ওপৰেদি বাগৰি যোৱা পৰিলক্ষিত হৈছে।আনহাতে কৃত্ৰিম বানে ৰহা নগৰত সমস্যাৰ সৃষ্টি কৰা সময়তো ৰহা পৌৰসভাৰ কোনো বিষয় ববীয়া তথা কৰ্মচাৰীয়ে কোনোধৰণৰ পদক্ষেপ গ্ৰহণ নকৰাত ৰাইজৰ মাজত ক্ষোভৰ সৃষ্টি হৈছে ।

About the Author

Dipshikha

Editor

View All Posts