মণিপুৰত কংগ্ৰেছৰ ভাৰত ন্যায় যাত্ৰাৰ অনুমতি নাই। এন বীৰেণ সিঙৰ চৰকাৰে ইম্ফলৰ পেলেচ খেলপথাৰত এই যাত্ৰাৰ অনুমতি দিবলৈ অস্বীকাৰ কৰিছে। এনে পৰিস্থিতিত উত্থাপিত হোৱা আটাইতকৈ ডাঙৰ প্ৰশ্নটো হ’ল ৰাহুল গান্ধীয়ে এতিয়া এই যাত্ৰা ক’ৰ পৰা আৰম্ভ কৰিব? কংগ্ৰেছে মণিপুৰ চৰকাৰৰ এই সিদ্ধান্তক দুৰ্ভাগ্যজনক বুলি অভিহিত কৰিছে। উল্লেখ্য যে, ১৪ জানুৱাৰীৰ পৰা ৰাহুল গান্ধীৰ নেতৃত্বত আৰম্ভ লগা আছিল ভাৰত জোড়ো ন্যায় যাত্ৰা।
ইফালে, মণিপুৰ চৰকাৰে অনুমতি নিদিয়াৰ সন্দৰ্ভত কে চি বেনুগোপালে কয় যে মণিপুৰ চৰকাৰৰ এই সিদ্ধান্ত দুৰ্ভাগ্যজনক। ‘এসপ্তাহ পূৰ্বে মণিপুৰ কংগ্ৰেছৰ সভাপতিয়ে মুখ্য সচিবক অনুমতি বিচাৰি এখন পত্ৰ দিছিল। ৫ দিনৰ পিছত সিদ্ধান্ত ল’ম বুলি কৈছিল আৰু ৩ দিনৰ আগতে কংগ্ৰেছৰ সভানেত্ৰী কে মেঘনা চন্দ্ৰ নিজেই তেওঁক লগ কৰিবলৈ গৈছিল। কিন্তু আজি আমি তথ্য পালো যে পেলেচ গ্ৰাউণ্ড ইম্ফলত অনুমতি বাতিল কৰা হৈছে।’ – কে চি বেণুগোপালে কয়।
তেওঁ কয়, ”আজি অৰ্থাৎ বুধবাৰে পুৱা আমাৰ প্ৰাক্তন মুখ্যমন্ত্ৰীয়ে বৰ্তমানৰ মুখ্যমন্ত্ৰী এন বীৰেণ সিঙক সাক্ষাৎ কৰিবলৈ গৈ অনুৰোধ কৰিলে কিন্তু তেওঁ নাকচ কৰিলে।’’ কংগ্ৰেছ নেতাজনে কয় যে মই মণিপুৰ, অসম আৰু নাগালেণ্ড ভ্ৰমণ কৰিছিলো আৰু ক’ব পাৰো যে তাত এই যাত্ৰাৰ জোৱাৰ উঠিছে। এয়া কোনো ৰাজনৈতিক যাত্ৰা নহয়। যাত্ৰাৰ সফলতাৰ বাবে ৰাইজে থিয় দিছে, ই অতি সফল হ’ব। আমি কেৱল মণিপুৰৰ পৰা আৰম্ভ কৰিম, আমি আন এটা স্থানৰ কথা উল্লেখ কৰিছো। তাত থকা মুখ্যমন্ত্ৰীয়ে আমাৰ প্ৰাক্তন মুখ্যমন্ত্ৰী ইবোবি সিঙক মৌখিকভাৱে সন্মতি দিছে।
উল্লেখ্য যে ৰাহুল গান্ধীয়ে মণিপুৰৰ পৰা মুম্বাইলৈ যাত্ৰা আৰম্ভ কৰিবলৈ ওলাইছে। ৬৭ দিনত ১৪খন ৰাজ্যৰ ৮৫খন জিলাৰ মাজেৰে প্ৰায় ৬২০০ কিলোমিটাৰ যাত্ৰা কৰিব ৰাহুল গান্ধীয়ে। এই যাত্ৰা মণিপুৰ, নাগালেণ্ড, অসম, মেঘালয়, বংগ, বিহাৰ, ঝাৰখণ্ড, ওড়িশা, ছত্তীশগড়, উত্তৰ প্ৰদেশ, মধ্যপ্ৰদেশ, ৰাজস্থান, গুজৰাট হৈ মহাৰাষ্ট্ৰত উপস্থিত হ’ব।
