অভিষেক অনুষ্ঠানৰ পিছতে অযোধ্যাৰ ৰাম মন্দিৰত ভক্তসকলে ভিৰ কৰাৰ সময়তে অসমৰ কেবিনেট মন্ত্ৰীসকলে ২২ ফেব্ৰুৱাৰীত ভগৱান ৰামৰ দৰ্শনৰ বাবে মন্দিৰলৈ যোৱাৰ সিদ্ধান্ত গ্ৰহণ কৰিছে।
সোমবাৰে অনুষ্ঠিত হোৱা সাপ্তাহিক কেবিনেট বৈঠকত এই ঘোষণা কৰা হয়। ৰাজ্যিক কেবিনেটে ভাৰতৰ প্ৰধানমন্ত্ৰী নৰেন্দ্ৰ মোদীক আন্তৰিক ধন্যবাদ জ্ঞাপন কৰাৰ লগতে অযোধ্যাত ভগৱান ৰামৰ প্ৰাণ প্ৰতিষ্ঠাৰ শুভ উপলক্ষে দেশবাসীলৈ শুভেচ্ছা জ্ঞাপন কৰে।
উল্লেখ কৰিব পাৰি যে যোৱা ২২ জানুৱাৰীত ৰাম মন্দিৰৰ অভিষেক অনুষ্ঠানত লাখ লাখ ভক্ত, বলীউডৰ চেলিব্ৰিটি, ৰাজনীতিবিদ, ক্ৰীড়াবিদ, ব্যৱসায়ী আদিৰ উপস্থিতিত প্ৰধানমন্ত্ৰী মোদীয়ে মন্দিৰৰ প্ৰাণ প্ৰতিষ্ঠা কৰিছিল।
