এনএফ ৰেলৱেয়ে হোলীৰ উৎসৱৰ বতৰত দুখন বিশেষ ৰেল সেৱা মুকলি কৰাৰ সিদ্ধান্তৰ বিষয়ে ঘোষণা কৰিছে। হোলী বিশেষ ৰে’লখন হাওৰা-নিউ জলপাইগুৰি-হাওৰা আৰু আনন্দ বিহাৰ-যোগবানী-আনন্দ বিহাৰৰ মাজত চলিব।
হোলী বিশেষ ৰেল নং ০২৩০৭, হাওৰা – নিউ জলপাইগুৰি বুধবাৰে, ১৬ মাৰ্চ, ২০২২ তাৰিখে হাওৰাৰ পৰা ২৩:৫৫ বজাত ৰাওনা হ’ব আৰু পিছদিনা ১০:১০ বজাত নিউ জলপাইগুৰিত উপস্থিত হব বুলি এনএফআৰৰ এক বিবৃত্তিত সদৰী কৰা হৈছে।
আনহাতে পিছদিনা ট্ৰেইন নং ০২৩০৮-এ নিউ জলপাইগুৰি ষ্টেচনৰ পৰা ১২:৩০ বজাত যাত্ৰা আৰম্ভ কৰি ২৩:০৫ বজাত হাওৰাত ইয়াৰ গন্তব্যস্থানত উপনীত হ’ব।.
হোলী বিশেষ ৰেল নং ০৪০৬৪ আনন্দ বিহাৰৰ পৰা ১২ আৰু ১৯ মাৰ্চ, ২০২২ (শনিবাৰে) ১৫:৩০ বজাত প্ৰস্থান কৰি যোগবানীত ইয়াৰ গন্তব্যস্থানত ২২:৩০ বজাত উপস্থিত হব।
ইয়াৰ উভতনি যাত্ৰাৰ সময়ত ৰেল নং ০৪০৬৩ যোগবানীৰ পৰা ১৪ আৰু ২১ মাৰ্চ, 2022 (সোমবাৰে) ০১:২০ বজাত যাত্ৰা আৰম্ভ কৰিব আৰু আনন্দ বিহাৰত ১১:১০ বজাত উপস্থিত হ’ব।
