ডিজিটেল ডেস্কঃ হৃদয় ভাগিল অনুৰাগীৰ। কিয়নো বিবাহ পাশত আৱদ্ধ হ’ল অভিনেত্ৰী কাজল আগৰৱাল। বলীউড আৰু দক্ষিণৰ ছবিৰ এগৰাকী জনপ্ৰিয় অভিনেত্ৰী ৩৫ বছৰীয়া কাজল আগৰৱাল শুকুৰবাৰে বিবাহ পাশত আৱদ্ধ হ’ল ব্যৱসায়ী গৌতম কিটচুল সৈতে।
তাজ হোটেলত অনুষ্ঠিত বিবাহ অনুষ্ঠানত পৰিয়াল আৰু অতি ঘনিষ্ঠ বন্ধুৰ উপস্থিতিত হিন্দু ৰীতি-নীতিৰে বিবাশ সম্পন্ন হয় অভিনেত্ৰী কাজল আগৰৱাল আৰু গৌতম কিটছুল। বিবাহৰ ফটো শ্বেয়াৰ কৰিছে অভিনেত্ৰীগৰাকীয়ে নিজেই।
২০০৪ চনত হিন্দী ছবি ‘কিউ! হো গয়া না…’ৰ জৰিয়তে ছবিজগতত আত্মপ্ৰকাশ ঘটোৱা কাজল আগৰৱালে ২০০৭ চনত লক্ষ্মী কল্যাণম নামৰ তেলেগু ছবিখনেৰে দক্ষিণৰ ছবিত অভিনয় আৰম্ভ কৰে। অভিনয়ৰ লগতে মডেলিং আৰু সংগীতৰ প্ৰতিও আগ্ৰহী কাজল আগৰৱালে ইতিমধ্যে কেইবাখনো ছুপাৰ হিট ছবিত অভিনয় কৰিছে। দক্ষিণৰ ছবিৰ অন্যতম বঁটা ফিল্মফেয়াৰ চাউথৰ বাবে ৪ বাৰকৈ মনোনীত হৈছে অভিনেত্ৰীগৰাকী। শেহতীয়াকৈ তেওঁৰ আহিবলগা ছবিখন হৈছে ‘ইণ্ডিয়ান টু’
