সৰবৰহী মহিলা বীণাপাণি দেৱীৰ মৃত্যু

ষ্টাফৰিপোৰ্টাৰ, ১৫ এপ্ৰিল : গুৱাহাটীৰ নাৰেংগী কৈলাস নগৰ নিবাসী সৰবৰহী মহিলা বীণাপাণি দেৱীৰ সোমবাৰে গৰু বিহুৰ দিনা পুৱা ৭.৪০ বজাত ৭৩ বছৰত মৃত্যু হয়। জটিল ৰোগত আক্ৰান্ত হোৱাৰ ,২৩ টা দিন পাচতেই তেওঁৰ মৃত্যু হয়। নলবাৰীৰ নিজ বাহজানী গাঁৱৰ সংস্কৃতৰ পণ্ডিত ৰঘুনাথ শৰ্মা আৰু দ্ৰৌপদী দেৱীৰ জ্যেষ্ঠা কন্যা বীণাপানী দেৱীয়ে বিবাহ সূত্ৰে নলবাৰীৰ গোৱালপাৰা গাঁৱৰ বাসিন্দা হয়। সকলোকে সহজে আপোন কৰি ল’ব পৰা গুণৰ বাবে তেওঁ সকলোৰে প্ৰিয়পাত্ৰী আছিল। বিগত তিনি বছৰে পুত্ৰৰ গৃহ নাৰেংগীত আছিল। ইয়াত থকা কালতো তেওঁ স্থানীয় সমাজ আৰু নামঘৰৰ অভিন্ন অংগ হৈ পৰিছিল। তেওঁৰ মৃত্যুৰ খবৰ পাই ওচৰ চুবুৰীয়া সকলোৱে ঘৰলৈ আহি শ্ৰদ্ধা নিবেদন কৰে। নৱগ্ৰহ শ্মশানত গুণমুগ্ধৰ উপস্থিতিত শেষকৃত্য সম্পন্ন কৰা হয়। স্বামী পঞ্চানন ভাগৱতী আৰু পুত্ৰ যতীন ভাগৱতীকে ধৰি তিনি জী জোৱাই, দেৱৰ জাকে ধৰি ৫ ভতিজী আৰু ভতিজা জোৱাই,এজন ভতিজাসহ নাতি আৰু নাতিনীক তেওঁ এৰি থৈ যায়।