সংসদৰ শীতকালীন অধিৱেশন আৰম্ভ হোৱাৰ এদিন পূৰ্বে দেওবাৰে আহ্বান কৰা সৰ্বদলীয় বৈঠক অনুষ্ঠিত হয়। বৈঠকত ৩১ টা দলে অংশগ্ৰহণ কৰে। বৈঠকৰ পিছত সাংবাদিকৰ সৈতে বাৰ্তালাপ কৰি সংসদীয় পৰিক্ৰমা মন্ত্ৰী প্ৰহ্লাদ যোশীয়ে কয় যে বৈঠকখনত ৩১ টা দলে অংশগ্ৰহণ কৰিছে আৰু পৰামৰ্শ গ্ৰহণ কৰা হৈছে। চৰকাৰে নিয়মৰ অধীনত সকলো বিষয় আলোচনা কৰিবলৈ সাজু। চৰকাৰে আশা কৰে যে সংসদত ভাল আলোচনা অব্যাহত থাকিব। প্ৰধানমন্ত্ৰী মোডীয়ে বৈঠকত উপস্থিত নোহোৱাৰ প্ৰশ্নত তেওঁ কয় যে সংসদীয় পৰিক্ৰমা মন্ত্ৰী অহাৰ আগতে মোডীজীয়েই সৰ্বদলীয় বৈঠকত উপস্থিত থকাৰ পৰম্পৰা আৰম্ভ কৰিছিল।
সৰ্বদলীয় বৈঠকৰ পিছত সাংবাদিকৰ সৈতে বাৰ্তালাপ কৰি মল্লিকাৰ্জুন খাৰ্গে কয় যে মুদ্ৰাস্ফীতি, ইন্ধনৰ মূল্য বৃদ্ধি, কৃষকৰ সমস্যা আৰু কোভিড-১৯কে ধৰি কেইবাটাও বিষয় উত্থাপন কৰা হৈছে। সকলো পক্ষই দাবী কৰিছিল যে এমএচপিৰ দ্বাৰা নিশ্চিত আইন এখন প্ৰণয়ন কৰা হ’ব। খাৰ্গে চৰকাৰক কৰোনাৰ পৰা প্ৰাণ হেৰুওৱা লোকসকলৰ পৰিয়ালক ৪ লাখ টকাৰ আৰ্থিক সাহায্য আৰু কৃষক আন্দোলনৰ সময়ত মৃত্যু হোৱা কৃষকসকলক ক্ষতিপূৰণ প্ৰদান কৰিবলৈও দাবী জনায়।
নিবনুৱা, ইন্ধন আৰু অত্যাৱশ্যকীয় সামগ্ৰীৰ বৰ্ধিত মূল্য, এমএছপিৰ ওপৰত আইন, লাভজনক পিএছইউত বিবিনিয়োগ প্ৰতিৰোধ, বিএছএফৰ অধিকাৰ ক্ষেত্ৰ, পেগাচাছৰ বিষয়, কৰোনাৰ স্থিতি, মহিলা সংৰক্ষণ বিধেয়ক আৰু ডু নোট বুলডোজাৰ বিল (স্ক্ৰুটিনি বিল) আদি কেইবাটাও গুৰুত্বপূৰ্ণ বিষয় টিএমচিয়ে উত্থাপন কৰে।
ইফালে আম আদমী পাৰ্টীয়ে সভাখন বৰ্জন কৰে। বৈঠকত আপৰ সাংসদ সঞ্জয় সিঙে অভিযোগ কৰে যে তেওঁক বৈঠকত বক্তব্য ৰাখিবলৈ অনুমতি দিয়া হোৱা নাই। তেওঁ কয় যে সভাত কাকো কথা ক’বলৈ দিয়া হোৱা নাই। তেওঁ মোডী চৰকাৰক সংসদত বা বৈঠকত কথা ক’বলৈ অনুমতি নিদিয়াৰ অভিযোগ কৰে। আম আদমী পাৰ্টীয়ে সভাখন বৰ্জন কৰিছে।
তেওঁলোকে (চৰকাৰে) সৰ্বদলীয় বৈঠকত কোনো সদস্যক কথা ক’বলৈ নিদিয়ে। মই সংসদৰ এই অধিৱেশনত এমএছপি গেৰাণ্টিৰ ওপৰত আইন অনাৰ বিষয়টো উত্থাপন কৰিছিলো আৰু অন্যান্য বিষয়বোৰত বিএছএফৰ অধিকাৰ ক্ষেত্ৰৰ সম্প্ৰসাৰণ আদি ৰখা হৈছিল। – আপ নেতাগৰাকীয়ে কয়।
বৈঠকত বিৰোধীয়ে কৃষকসকলক ক্ষতিপূৰণ, এমএছপি আৰু মূল্যবৃদ্ধি, বিএছএফৰ অধিকাৰ ক্ষেত্ৰৰ ওপৰত আলোচনাকে ধৰি কেইবাটাও জ্বলন্ত বিষয়ৰ ওপৰত সদনত আলোচনাৰ দাবী জনায় আৰু কেন্দ্ৰীয় চৰকাৰে সকলো পক্ষক সংসদত উত্থাপন কৰিবলগা সকলো বিধেয়কৰ বিষয়ে অৱগত কৰে। বৈঠকখনত চৰকাৰে জনায় যে তিনিওখন কৃষি আইন প্ৰত্যাহাৰ ৰ বাবে বিধেয়কখন শীতকালীন অধিৱেশনৰ প্ৰথম দিনা লোকসভাত উত্থাপন কৰা হ’ব।
সৰ্বদলীয় বৈঠকত কংগ্ৰেছ নেতা মল্লিকাৰ্জুন খাৰ্গে, অধীৰ ৰঞ্জন চৌধুৰী, আনন্দ শৰ্মা, তৃণমূল কংগ্ৰেছৰ সুদীপ বেনাৰ্জী, ডেৰেক অ’ব্ৰাইন, ডিএমকেৰ টি আৰ বালু, সমাজবাদী পাৰ্টিৰ পৰা ৰাম গোপাল যাদৱ আৰু এনচিপিৰ শৰদ পাৱাৰকে ধৰি ৩১ টা দলৰ নেতা উপস্থিত থাকে।
