আৰক্ষীৰ অভিযানত আটক ২৬ জন ৰোহিঙ্গীয়া।
শিলচৰ আৰক্ষীয়ে অভিযান চলাই আটক কৰিছে আটাইকেজনক।
ৰোহিঙ্গীয়া দলটো দিল্লীৰ পৰা ৰে’লযোগে শনিবাৰে পুৱা উপস্থিত হৈছিল গুৱাহাটী–কামাখ্যা ষ্টেচনত৷
কামাখ্যাৰ পৰা দুখনকৈ ইন’ভা গাড়ীৰে আজি পুৱতিনিশা শিলচৰ উপস্থিত হয় দলটো৷
ইয়াৰ পিছতে আৰক্ষীয়ে অভিযান চলাই শিলচৰ আৰক্ষীয়ে আটাইকেজনক আটক কৰে৷
দলটোত আছে ৮ গৰাকী মহিলা আৰু ৬জন পুৰুষ আৰু বাকীসকল শিশু৷
উল্লেখ্য যে, ম্যানমাৰত ৰোহিঙ্গীয়াসকলৰ ওপৰত চলা নিৰ্যাতনৰ সময়তে এইসকলে দেশ এৰি গোপনে জম্মু কাশ্মীৰত অশ্ৰয় লৈছিল বুলি জানিব পৰা গৈছে৷
আৰু জম্মুত দীৰ্ঘ সময় থকাৰ পাছত তাৰ পৰা দিল্লী হৈ শিলচৰত উপস্থিত হৈছে দলটো৷
বৰ্তমান আটকাধীন দলটোক শিলচৰ সদৰ থানাত আৰক্ষীয়ে সোধা–পোছা অব্যাহত ৰাখিছে।
