নিৰ্বাচন আয়োগে সাতটা পৰ্যায়ত অনুষ্ঠিত হ’বলগীয়া লোকসভা নিৰ্বাচন আৰু চাৰিখন ৰাজ্যৰ বিধানসভা নিৰ্বাচনত ৰাজ্যিক আৰক্ষী বাহিনীৰ সৈতে ৩.৪ লাখ কেন্দ্ৰীয় সশস্ত্ৰ আৰক্ষী বাহিনীৰ (চিএপিএফ) জোৱান মোতায়েন কৰিব। খবৰ অনুসৰি পশ্চিম বংগত সৰ্বাধিক ৯২,০০০ চি.আৰ.পি.এফ. জোৱান নিয়োজিত হোৱাৰ সম্ভাৱনা আছে, য’ত সাতটা পৰ্যায়ত নিৰ্বাচন অনুষ্ঠিত হ’ব। সন্ত্ৰাসবাদ-পীড়িত জম্মু-কাশ্মীৰত প্ৰায় ৬৩,৫০০ জন জোৱান মোতায়েন কৰা হ’ব, য’ত পাঁচটা পৰ্যায়ত ভোটগ্ৰহণ অনুষ্ঠিত হ’ব। মাওবাদী পীড়িত ছত্তীশগড়ত প্ৰায় ৩৬,০০০ জোৱান মোতায়েন হ’ব, য’ত তিনিটা পৰ্যায়ত ভোটগ্ৰহণ অনুষ্ঠিত হ’ব। এক সূত্ৰই প্ৰকাশ কৰা অনুসৰি নিৰ্বাচন আয়োগে ৰাজ্যসমূহৰ মুখ্য নিৰ্বাচনী বিষয়াসকলৰ দ্বাৰা কৰা অনুৰোধ বিবেচনা কৰিছে আৰু মুক্ত, নিৰপেক্ষ আৰু শান্তিপূৰ্ণ নিৰ্বাচন নিশ্চিত কৰাৰ বাবে সকলো ৰাজ্য আৰু কেন্দ্ৰীয় শাসিত অঞ্চলত সৰ্বাধিক ৩,৪০০ কোম্পানী চিএপিএফ নিয়োজিত কৰাৰ সিদ্ধান্ত লৈছে। উল্লেখ্য যে এটা চিএপিএফ কোম্পানীত প্ৰায় ১০০ জন কৰ্মচাৰী আছে। লোকসভা নিৰ্বাচনৰ লগতে অন্ধ্ৰ প্ৰদেশ, অৰুণাচল প্ৰদেশ, উৰিষ্যা আৰু ছিকিমৰ বিধানসভা নিৰ্বাচনো অনুষ্ঠিত হ’ব। চিএপিএফৰ সৰ্বাধিক ৯২০ টা কোম্পানী পৰ্যায়ক্ৰমে পশ্চিম বংগত নিয়োজিত হোৱাৰ সম্ভাৱনা আছে, তাৰ পিছত আছে জম্মু আৰু কাশ্মীৰ (৬৩৫), ছত্তীশগড় (৩৬০), বিহাৰ (২৯৫), উত্তৰ প্ৰদেশ (২৫২) আৰু অন্ধ্ৰ প্ৰদেশ (২৫০)। চি.এ.পি.এফ.-ত কেন্দ্ৰীয় ৰিজাৰ্ভ আৰক্ষী বাহিনী (চি.আৰ.পি.এফ.), সীমান্ত সুৰক্ষা বাহিনী (বি.এছ.এফ.), কেন্দ্ৰীয় ঔদ্যোগিক সুৰক্ষা বাহিনী (চি.আই.এছ.এফ.), ভাৰত-তিব্বত সীমান্ত আৰক্ষী (আই.টি.বি.পি.), সশস্ত্ৰ সীমা বল (এছ.এছ.বি.) আৰু ৰাষ্ট্ৰীয় সুৰক্ষা ৰক্ষী (এন.এছ.জি.) অন্তৰ্ভুক্ত আছে। সকলো চি.এ.পি.এফ.-ৰ মিলিত শক্তি হৈছে প্ৰায় ১০ লাখ জোৱান। আন কেইবাখনো ৰাজ্য য’ত বৃহৎ সংখ্যক চিএপিএফ মোতায়েন কৰা হ’ব বুলি আশা কৰা হৈছে। গুজৰাট, মণিপুৰ, ৰাজস্থান আৰু তামিলনাডুত ২০০ টা কোম্পানী, উৰিষ্যাত ১৭৫ টা কোম্পানী, অসম আৰু তেলেংগানাত ১৬০ টা কোম্পানী, মহাৰাষ্ট্ৰত ১৫০ টা কোম্পানী আৰু মধ্য প্ৰদেশত ১১৩ টা কোম্পানী মোতায়েন কৰা হ’ব।
