সন্দিকৈ গাৰ্লছ কলেজৰ সহযোগী অধ্যাপিকা, শিক্ষাবিদ, প্ৰখ্যাত লেখিকা শ্ৰুতিমালা দুৱৰাৰ সোমবাৰে গুৱাহাটীত মৃত্যু ঘটে।
উত্তৰ-পূবৰ আঠটা অধ্যায় থকা সংস্থা নৰ্থ-ইষ্ট ৰাইটাৰ্ছ ফ’ৰামৰ প্ৰতিষ্ঠাপক সদস্য আছিল দুৱৰা।
এগৰাকী দ্বিভাষিক লেখিকা, ইংৰাজী ভাষাৰ তেওঁৰ গ্ৰন্থসমূহৰ ভিতৰত আছে তিনিখন উপন্যাস আৰু চাৰিখন চুটিগল্প সংকলন- দ্য ছানচেট আৱাৰ এণ্ড অদাৰ ষ্ট’ৰীজ (১৯৯৮), ৱেইটিং ফৰ দ্য লাষ্ট ব্ৰেথ (১৯৯৯), দ্য ঝুলন ইভিনিং (২০০০) আৰু দ্য মিছিং লিংক।
খবৰ অনুসৰি কেইবছৰমান আগতে তেওঁৰ ডিম্বাশয়ৰ কৰ্কট ৰোগ ধৰা পৰিছিল। শেহতীয়াকৈ তেওঁ- My Journey through Cancer শীৰ্ষক এখন গ্ৰন্থও উন্মোচন কৰে, য’ত তেওঁ কেন্সাৰ ধৰা পৰাৰ পিছত তেওঁৰ অভিজ্ঞতা বৰ্ণনা কৰিছে।
