মৰাণত সংঘটিত হৈছে এক পথ দুৰ্ঘটনা। মৰাণৰ সমীপৰ খোৱাং দুলীয়াবামত এখন স্কুটী আৰু বলেৰ’ পিক্-আপৰ মাজত হয় এই দুৰ্ঘটনা।
দুৰ্ঘটনাত থিতাতে নিহত হয় স্কুটী আৰোহী শিৱ পৰজা (২৭) নামৰ যুৱকজন। আনহাতে দুৰ্ঘটনাটোত গুৰুতৰভাৱে আহত হয় স্কুটীত পিছফালে উঠি অহা আৰোহী বিপুল পৰজা (১৯)।
দুৰ্ঘটনাৰ পিছতে স্থানীয় ৰাইজে দুয়োকে উদ্ধাৰ কৰি দুলীয়াবাম চাহ বাগিচাৰ চিকিৎসালয়ত ভৰ্তি কৰাই যদিও এজনৰ মৃত্যু ঘোষণা কৰে চিকিত্সকে।
উল্লেখ্য, দুৰ্ঘটনাটো চিকিত্সালয়খনৰ সন্মুখতে সংঘটিত হয়। এএছ০৬ এচি ৯৯০২ নম্বৰৰ মাটি কঢ়িওৱা ব’লেৰ’ পিক্ আপ আৰু এএছ৩৩ ৭৪০৫ নম্বৰৰ স্কুটীৰ মাজত সংঘটিত হয় দুৰ্ঘটনাতো৷
